ԼԵՎՈՆ ՏԵՐ-ՊԵՏՐՈՍՅԱՆԻ ԱՄԵՆԱՎՍՏԱՀԵԼԻ ՄԱՐԴԸ. ՌՈՄԵՆ ՂԱԶԱՐՅԱՆ (ԲՈՒԴՈ). Մաս 1

ԼԵՎՈՆ ՏԵՐ-ՊԵՏՐՈՍՅԱՆԻ ԱՄԵՆԱՎՍՏԱՀԵԼԻ ՄԱՐԴԸ.
ՌՈՄԵՆ ՂԱԶԱՐՅԱՆ (ԲՈՒԴՈ). Մաս 1

Թյուրիմացաբար ընդդիմություն համարվող ՀՀ նախկին իշխանությունները` ի դեմս ՀԱԿ-ի և Լևոն Տեր-Պետրոսյանի, այսօր առիթը բաց չեն թողնում ներկա իշխանություններին «ավազակախումբ», իսկ պետությանը՝ «ավազակապետություն» անվանելու համար: Համաձայնեք, որ նման մեղադրանքներ հնչեցնողներն առնվազն պետք է սպանություններից, բռնություններից, ահաբեկումներից, թալանից, չարաշահումներից ու կեղծիքներից զերծ՝ մաքուր անցյալ ունենան, ինչը չի կարելի ասել ԼՏՊ-ի և ՀՀՇ-ի իշխանության տարիների մասին: Վանո Սիրադեղյանի «քաջագործությունները» մեզ բոլորիս հայտնի են, նրա կազմակերպած քաղաքական սպանությունների շարքը, որոնք բնականաբար չէին կարող լինել առանց Լևոն Տեր-Պետրոսյանի համաձայնության, մեր պատմության ամենաամոթալի էջերից մեկն է: Այժմ անդրադառնանք մեկ այլ կերպարի, որին «ավազակապետության դեմ պայքարի առաջամարտիկ» ԼՏՊ-ն նախագահ եղած ժամանակ վստահել էր իր անվտանգության վարչության պետի պաշտոնը: Խոսքը Ռոմեն Ղազարյանի մասին է, ով ավելի հայտնի է որպես Գեներալ Բուդո: Եկեք ընդունենք, որ նման պաշտոնում նշանակելու համար առնվազն պետք է այդ մարդուն վստահել, ավելին՝ այդ մարդը պետք է լինի նշանակողի ամենահավատարիմ անձը, ում կարելի է վստահել սեփական անձի պահպանությունը: Հիմա տեսնենք, թե ով էր Լևոն Տեր-Պետրոսյանի ամենավստահելի անձը:
Մեջբերենք մի հատված 1998 թվականին Բուդոյի դեմ հարուցված քրեական գործից, որի նախաքննության ընթացքում պարզվել և հիմնավորվել է, որ «Ռոմեն Ղազարյանը, աշխատելով որպես ՀՀ նախագահի անվտանգության վարչության պետ և զբաղեցնելով պատասխանատու պաշտոնեական դիրք, հանրապետությունում իրավիճակն ապակայունացնելու անձնական շահագրգռվածությունից ելնելով, 1998 թվականի հունվարի 18-ին՝ ժամը 22:00-ի սահմաններում, Արմավիր-Էջմիածին մայրուղու 6-րդ կիլոմետրի հատվածում՝ իր կողմից ապօրինի կերպով ձեռք բերված և պահվող «ԱԿ» տեսակի 7,62 մմ տրամաչափի ինքնաձիգ հրազենից կրակել է իրեն ամրակցված «Տոյոտա» մակնիշի 111 ՍՍ 01 պետհամարանիշի ավտոմեքենայի վրա և ստեղծել սպանության փորձ կատարելու շինծու տպավորություն: Այդ գործողություններով Ռոմեն Ղազարյանն ավտոմեքենայի աջ և ձախ դռների, անվաթևերի և ապակիների վրա առաջացրել է հրազենային, գնդակային վնասվածքներ՝ անվտանգության վարչության պատճառելով 505.700 ՀՀ դրամի նյութական վնաս:
Իր հանցավոր նպատակներն իրականացնելու համար Ռոմեն Ղազարյանը, ստոր դրդումներով, արհեստականորեն մեղադրանքի ապացույցներ ստեղծելով, ՀՀ բարձրագույն վարչական և իրավապահ մարմիններին այդ դեպքի մասին կատարել է ակնհայտ սուտ մատնություն և քեական գործ հարուցվելուց հետո՝ 1998 թվականի հունվարի 19-ին, հունվարի 27-ին և հունվարի 29-ին, ակնհայտ սուտ ցուցմունքներ է տվել, թե իբր իր նկատմամբ կատարվել է դիտավորյալ սպանության փորձ:
Կատարված հանցագործությունների հնարավոր բացահայտումից և քրեական պատասխանատվությունից խուսափելու նպատակով Ռոմեն Ղազարյանը բռնություն կիրառելու սպառնալիքով հարկադրել է իր օգնական և իրենից ծառայական կախման մեջ գտնվող վկա Արմեն Պողոսյանին նախաքննության ընթացքում ակնհայտ սուտ ցուցմունքներ տալ կատարված դեպքի հանգամանքների վերաբերյալ»:

Աղբյուրը` «ՀՀՇ-ՀԱԿ իրական դեմքը» ֆեյսբուքյան էջը

Շարունակելի...