Ինչպես հայտնի է, ՌԴ քննչական կոմիտեն Վրաստանի մի շարք նախկին պաշտոնյաների`

Ինչպես հայտնի է, ՌԴ քննչական կոմիտեն Վրաստանի մի շարք նախկին պաշտոնյաների` նախագահ Սահակաշվիլուն, պաշտպանության նախարար Կեզելաշվիլուն, ՆԳ նախարար Մերաբիշվիլուն եւ այլոց մեղադրում է` 2008-ին օսերի բնաջնջման մտադրություն ունենալու մեջ: Սակայն ՄԻԽԱՅԻԼ ՍԱՀԱԿԱՇՎԻԼԻՆ կարող է դեռեւս չշտապել` հերթական փողկապն ուտելու, քանզի ըստ այդ կառույցի, միջազգային հետախուզում կարող է հայտարարվել բոլորի նկատմամբ, բացառությամբ Սահակաշվիլու, քանզի պետությունների բոլոր առաջնորդները, այդ թվում եւ նախկին, անձեռնմխելիություն ունեն: Դե ինչ, զարմանալով հանդերձ, մնում է միայն արձանագրել, որ Միշիկոն այսուհետ պետք է աղոթի, որպեսզի հանկարծ Վրաստանի գլխավոր դատախազությունը եւ այլ իրավասու մարմինները նրան չզրկեն անձեռնմխելիությունից: Այլապես իրագործման շատ մոտիկ կլինի 2008-ին Պուտինի կողմից հնչեցրած սպառնալիքը` Միշիկոյին ամորձիներից կախելու վերաբերյալ:
Քաղաքականությամբ երբեւէ զբաղվող ցանկացած ոք պետք է քաջություն ունենա ճիշտ ժամանակին հեռանալ այդ ասպարեզից: Սակայն մեզանում քաղաքական դիակները այնպիսի համառությամբ են կառչում այդ դաշտից, որ մարդ ապշում է: Խոսքը, մասնավորապես, ոմն ՌԱՖԻԿ ՀԱՄԲԱՐՁՈՒՄՅԱՆԻ մասին է, ով այժմ ներկայանում է որպես պատմագիտության ծակ պրոֆեսոր: Իհարկե, մենք հայցում ենք ընթերցողի ներողամտությունն այդ անունն ընդհանրապես հիշատակելու համար, սակայն նա ոչ միայն քաղաքական դիակ է, այլ անտանելիորեն գարշահոտ քաղաքական դիակ: Նա, ոչ ավել, ոչ պակաս, երկարաշունչ բաց նամակ է գրել վարչապետին, ուր ամենազազրելի, ղզիկ արտահայտություններով անվանարկում է Ազգային հերոս Մովսես Գորգիսյանին եւ առաջարկում զրկել նրան կոչումից, աճյունն էլ տեղափոխել Ծիծեռնակաբերդի տարածքից: Տեղյակ մարդիկ պատմում են, որ դեռեւս 15 տարի առաջ Մովսես Գորգիսյանը բացահայտել էր սույն անձնավորության կենսագրության բավականին մութ եւ զազրելի կողմը, եւ այդ պատճառով Ռ. Համբարձումյանը այժմ փորձում է այդպիսի քստմնելի ձեւով վրեժ լուծել հանգուցյալից: Ինչեւէ, որպեսզի չօգտագործենք ոչ նորմատիվային բառապաշար, բավարարվենք նրանով, որ մեջբերենք ԱԻՄ-ի ներկայացուցիչների խորհրդի որոշման կետը, ըստ որի` ՙՄովսես Գորգիսյանի վերաբերյալ բարբաջանքները համարել Ռաֆայել Համբարձումյանի հոգեկան խանգարման դրսեւորում՚: Բայց զարմանալիորեն նույն մարմինը նույն որոշման այլ կետով կառավարությանը կոչ է անում համաձայնեցնելով հարազատների հետ` Ծիծեռնակաբերդի տարածքից Կոմիտաս պանթեոն եւ Եռաբլուր տեղափոխել այդտեղ հուղարկավորված ազատամարտիկներին: Լավ, զարմանալի է, սկզբունքորեն շա±տ է արդյոք այս մոտեցումը տարբերվում Ռ. Համբարձումյանի զառանցանքից: Ինչեւէ, զարմանալով հանդերձ, մնում է սրանց էլ կոչ անել` ձեր քաղաքական թոշակի ժամանակը վաղուց է եկել, այլապես հա խայտառակ եք լինելու: Ի վերջո, հանգիստ թողեք մեր հերոսների ե°ւ անունները, ե°ւ շիրիմները:
Մեզ հերթական անգամ զարմացրեց Ռոբերտ Քոչարյանի մամլո խոսնակ ՎԻԿՏՈՐ ՍՈՂՈՄՈՆՅԱՆԸ: Անդրադառնալով փոխարտգործնախարար Շավարշ Քոչարյանի զարմանալի պնդմանը, որ իբր Ռոբերտ Քոչարյանի կողմից Արցախը Հայաստանի անբաժանելի մաս դիտարկելը  ջուր է լցնում Ադրբեջանի ջրաղացին, պարոն Սողոմոնյանը բավականին երկար պատասխան հաղորդագրություն է տարածում, նշելով, թե ՙՇավարշ Քոչարյանը լուրջ խնդիրներ ունի, ու ոչ միայն հիշողության հետ՚: Անշուշտ, փոխարտգործնախարարի այդ ոչ կոռեկտ եւ սխալ արտահայտությանը արձագանքել պետք էր: Սակայն Սողոմոնյանը մի զարմանալի մեջբերում է անում. ՙՓոխնախարարը, թերեւս, չգիտի, որ Քի Վեստյան փաստաթղթի հիմքում (դրա ստորագրումը չափազանց մոտ էր իրականություն դառնալուն) ընկած էր հենց Լեռնային Ղարաբաղի եւ Հայաստանի վերամիավորումը: Լինելով թե° ԼՂՀ, թե° ՀՀ նախագահ, Ռոբերտ Քոչարյանը բազմիցս հայտարարել է, որ ղարաբաղյան կարգավորման վերջնական նպատակը հենց երկու հայկական պետությունների վերամիավորումն է: Նա, ով կմոռանա այդ նպատակը` կմոլորվի, կմոլորեցնի ժողովրդին եւ կվտանգի Ղարաբաղը՚:  Այ, Քի Վեստի անուն չպետք է տար, որովհետեւ միանգամից հիշողության թարմացման կարիք է զգացվում, թե ինչպես էր այդ բանակցություններում քննարկման առարկա դարձել տարածքային փոխանակումը` այսպես կոչված ՙՄեղրիի տարբերակը՚: Ինչեւէ, զարմանալով հանդերձ, պետք է հիշեցնենք քաղաքական այրերին, որ ապակյա տնակում ապրողները պիտի ձեռնպահ մնան քար նետելուց:
Եվ վերջապես, մեզ բավականին զարմացրեց ԴԱՇՆԱԿՑՈՒԹՅՈՒՆԸ: ՀՅԴ Երեւանի կոմիտեի հայտարարության մեջ խիստ քննադատվում է Երեւանի ավագանու որոշումը` Միկոյանի արձան տեղադրելու վերաբերյալ: Անշուշտ, ՀՅԴ-ն իրավունք ունի քննադատելու այդպիսի որոշումը, ինչպես նաեւ հակառակ կարծիք ունեցողներն իրավունք ունեն այն պաշտպանելու, բայց զարմանալին հետեւյալն է. ՙՀՅ Դաշնակցության Երեւանի քաղաքային կոմիտեն հունիսի 10-ին, Ֆիլհարմոնիայի փոքր դահլիճի սրահում նախաձեռնել է մասնագիտական խորհրդաժողով, որի եզրակացությունը պաշտոնապես կներկայացվի Երեւանի ավագանուն եւ ՀՀ կառավարության աշխատակազմ` վերոհիշյալ անձի արձանի տեղադրման որոշումը չեղյալ հայտարարելու պահանջով՚: Զարմանալով հանդերձ, մնում է հարցադրել` տղերք, դուք էլ բան ու գործ չունե±ք, մի±թե չկան ավելի կարեւոր հարցեր, որոնցով իրոք իմաստ կունենար խորհրդաժողով անցկացնել: Թե չէ, մի բոլշեւիկի արձան ավել կամ պակաս, կամ ասենք Սախարովի տիպի լիբերաստի կիսանդրիի լինել-չլինելուց ի±նչ է փոխվում մեր երկրում կամ քաղաքամայր Երեւանում:

Զարմացած է ՀՈՎՀԱՆՆԵՍ ԳԱԼԱՋՅԱՆԸ