Անդրանիկ Նիկողոսյանն այցելեց Ռուսաց լեզվի անվճար ուսուցման կենտրոն

Այսօր  ԱՊՀ երկրների երիտասարդական միության խորհրդի նախագահ Անդրանիկ Նիկողոսյանը ժամանել է Հայաստան:

Ա. Նիկողոսյանն այցելել է Թեքեյանի անվան մշակութային կենտրոնում գործող Ռուսաց լեզվի անվճար ուսուցման դասընթացների  կենտրոնական գրասենյակ. հանդիպում  ունեցել կենտրոնի աշխատակազմի հետ: Այցի ընթացքում քննարկվել են կարևորագույն հարցեր, կատարվել է աշխատանքների ամփոփում, ինչպես նաև որոշվել են  հետագա անելիք ծրագրերը: Անդրանիկ Նիկողոսյանը նոր հանձնարարականներ է տվել աշխատանքների բարելավվման համար:

Նա նաև ներկա է գտնվել Թեքեյանի անվան մշակութային կենտրոնում գործող Ռուսաց լեզվի անվճար ուսուցման դասընթացին: Հետևել դասընթացի ընթացքին , զրուցել մասնակիցների և դասավանդող ուսուցչուհու հետ:

Երեխաները ոգևորված էին և կիսվեցին իրենց տպավորություններով:
Հավելենք, որ խումբը նոր է ձևավորվել:

Ուսուցչուհի Իլոնա Քամալյանն իր խոսքում նշեց , որ ռուսաց լեզու սովորել ցանկացողների թիվը գնալով աճում է: Չնայած, որ երեխաները  նոր են սկսել հաճախել դասընթացներին, սակայն հաճույքով են գալիս և առաջընթացն արդեն իսկ նկատելի է:

Ա.Նիկողոսյանը շնորհակալություն հայտնեց ուսուցչուհուն` բարեխիղճ աշխատանքի համար և հաջողություն մաղթեց երեխաներին:

Հիշեցնենք, որ Ռուսաց լեզվի անվճար ուսուցման կենտրոնների նախագիծն իրականացվում է ԱՊՀ երկրների երիտասարդական միության խորհրդի նախագահ Անդրանիկ Նիկողոսյանի կողմից՝ 2012 թվականի փետրվարից:

2013 թվականին բացված կենտրոնների թիվը ավելացավ մի քանի տասնյակով, ինչը թույլ տվեց անգամ ամենահեռավոր բնակավայրերի բնակիչներին ուսումնասիրել և խորացնել ռուսաց լեզվի իմացության մակարդակը: Աշակերտների տարիքային կազմը տարբեր է՝ սովորողների շրջանում կան երեխաներ, երիտասարդներ, մեծահասակներ: Այժմ Հայաստանում գործում է 103 կենտրոն, որտեղ աշխատում են ավելի քան 130 ուսուցիչ՝ բարձրագույն մասնագիտական կրթությամբ: