Յունիբանկն ամփոփեց 2013թ. ցուցանիշները. բանկի ակտիվները գերազանցել են 153 մլրդ ՀՀ դրամը

Յունիբանկն ամփոփեց 2013թ.  ցուցանիշները.

բանկի ակտիվները գերազանցել են 153 մլրդ ՀՀ դրամը

Այս տարվա մայիսի վերջին Յունիբանկի գլխամասային գրասենյակում կայացավ բանկի բաժնետիրոջ 2013թ. տարեկան ընդհանուր ժողովը: Ամփոփելով հաշվետու տարվա ադյունքները, արձանագրվեց, որ իրականացված ռազմավարության շնորհիվ բանկին հաջողվել է աճ արձանագրել գործունեության բոլոր ուղղություններով և պահպանել դիրքերը ՀՀ բանկային համակարգում: Յունիբանկի ակտիվները գերազանցել են 153 մլրդ ՀՀ դրամը, պարտավորությունները` 133 մլրդ  դրամը, իսկ կապիտալը`  20.7 մլրդ դրամը:
2013թ. Յունիբանկը շարունակել է իր ռազմավարության իրականացումը` ուղղված փոքր և միջին բիզնեսի, մանրածախ վարկավորման և քարտային բիզնեսի զարգացմանը: Բանկի ընդհանուր վարկային պորտֆելն աճել է 19%-ով և կազմել է 117 մլրդ դրամ:  Ընդ որում, ՓՄՁ-ներին տրամադրված վարկերի ծավալը  հաշվետու տարում աճել է 22%-ով, իսկ քանակը`13%-ով: Փոքր և միջին բիզնեսին տրամադրված վարկերի պորտֆելը կազմել է 37,8 մլրդ դրամ` նախորդ տարվա  համեմատ աճելով 22%-ով:
2013թ.-ի արդյունքներով Յունիբանկի սպառողական վարկերի ծավալը նախորդ տարվա համեմատ աճել է 38%-ով և կազմել է 51.3 մլրդ դրամ: Քանակային արտահայտությամբ ֆիզիկական անձանց տրամադրված վարկերն աճել են 70%-ով և կազմել ավելի քան 115 000:
Յունիբանկի ժամկետային ավանդները կազմել են 86.7 մլրդ դրամ, որից 92%-ը` բաժին է ընկել ֆիզիկական անձանց:
Բանկի ակտիվ քարտերի քանակը հաշվետու տարում գերազանցել է 175 000-ը, բանկոմատների քանակը կազմել է 88, իսկ POS-տերմինալներինը`  688: Հիշեցնենք, որ Յունիբանկի բոլոր  քարտատերերը, գործընկեր-կազմակերպություններում ապրանքների և ծառայությունների դիմաց վճարելիս, օգտվում են մինչև 40% զեղչերից:  
Ներկայումս Յունիբանկն ունի 46 մասնաճյուղ և ներկայացուցչություն Մոսկվայում: Բանկը սպասարկում է ավելի քան 240 000 հաճախորդի: Հիշեցնենք, որ սպասարկման բարելավման և մասնաճյուղերի աշխատանքի օպտիմալացման նպատակով, Յունիբանկի մասնաճյուղերը փուլ առ փուլ անցում են կատարում “մեկ պատուհանի” սկզբունքով հաճախորդների սպասարկմանը: Այդ ռեժիմով արդեն իսկ աշխատում են բանկի “Օպերա” (Երևան, Սայաթ-Նովա 1), “Աճառյան” (Երևան, Աճառյան 22, N51), “Երիտասարդական” (Երևան, Աբովյան 23/2) և "Կոմիտաս" (Երևան, Կոմիտասի 15/2) մասնաճյուղերը: