ԱՎԱՐՏՎԵՑ ԱՐԱՄ ԽԱՉԱՏՐՅԱՆԻ ԱՆՎԱՆ 10-ՐԴ ՀՈԲԵԼՅԱՆԱԿԱՆ ՄՐՑՈՒՅԹԻ ԱՌԱՋԻՆ ՓՈՒԼԸ

ԱՎԱՐՏՎԵՑ ԱՐԱՄ ԽԱՉԱՏՐՅԱՆԻ ԱՆՎԱՆ 10-ՐԴ ՀՈԲԵԼՅԱՆԱԿԱՆ ՄՐՑՈՒՅԹԻ ԱՌԱՋԻՆ ՓՈՒԼԸ

Հունիսի 6-14-ը Երևանում անցկացվում է Արամ Խաչատրյանի անվան 10-րդ հոբելյանական մրցույթը: Այդ մասին «Իրավունքը» գրել էր: Հունիսի 8-ին ավարտվեց մրցույթի առաջին փուլը, որին մասնակցում էր 18 դաշնակահար: Մրցույթի կիսաեզրափակիչ փուլ անցան 8 մասնակից՝ Նինո Բակրադձե (Վրաստան), Անաստասիա Նեստերովա (Ռուսաստան),  Դավիթ Հովհաննիսյան, (Հայաստան), Եվգենի Ստարոդուբցև (Ռուսաստան), Ստեփան Սիմոնյան (Ռուսաստան),  Շուշանիկ Հովակիմյան (ԱՄՆ), Ալեքսեյ Կուդրյաշով (Ռուսաստան), Ռեն Ջիա (Չինաստան):

Հիշեցնենք, որ Արամ Խաչատրյանի անվան 10-րդ հոբելյանական մրցույթի մեկնարկը տրվեց հունիսի 6-ին՝ Արամ Խաչատրյան համերգասրահում՝ մեծանուն կոմպոզիտորի ծննդյան օրը:

Արամ Խաչատրյանի անվան միջազգային մրցույթը կյանքի է կոչվում՝ՀՀ մշակույթի նախարարության, «Արամ Խաչատրյան» մշակութային հիմնադրամի և Երևանի Կոմիտասի անվան պետական կոնսերվատորիայի համատեղ ջանքերի շնորհիվ:

Մրցույթը անցկացվում է ՀՀ առաջին տիկին Ռիտա Սարգսյանի բարձր հովանու ներքո, ով և միաժամանակ հանդիսանում է մրցույթի հոգաբարձուների խորհրդի պատվավոր նախագահը:

Վ. ՄՈՒՐԱԴՅԱՆ