«ՀԱՐՍՆԱՑՈՒՆ ՎԵԳԱՍԻՑ» ՖԻԼՄԸ ԴԻՏԵԼՈՒ` ՈՉ ԹԵ ԴԱՏԵԼՈՒ ՖԻԼՄ Է

«ՀԱՐՍՆԱՑՈՒՆ ՎԵԳԱՍԻՑ» ՖԻԼՄԸ ԴԻՏԵԼՈՒ` ՈՉ ԹԵ ԴԱՏԵԼՈՒ ՖԻԼՄ Է

Հայաստանի ֆիլմասեր հասարակությանն սպասվում է նոր ֆիլմի պրեմիերա` հայ-ամերիկյան արտադրության «Հարսնացուն Վեգասից» կատարկերգության ցուցադրությունը, որը տեղի կունենա հունիսի 10-ին «Մոսկվա» կ/թ-ում: Այս անգամ հարսնացուն Հայաստան է գալիս, ոչ թե հյուսիսից այլ` Վեգասից: Այս ֆիլմում գյուղացի Մկոյի պատմությունն է, ով գնում է Լաս Վեգաս` լուսանկարում պատկերված գեղեցկուհուն գտնելու համար: Այստեղ Մկոյին սպասվում է բազմաթիվ փորձություններ եւ արկածներ, ինչն էլ` ի վերջո, հանգեցնում է նրան, որ Մկոն հանդիպելով Ալիսին ամուսնանում է նրա հետ եւ վերադառնում Հայաստան` Հայրենիքում ապրելու համար: Հայկական հումորով, սակայն ամերիկյան մատուցմամբ «Հարսնացուն Վեգասից» կատարկերգության ռեժիսորը Արթուր Բաբայանն է, ում խոսքով` շատ աշխատանքեր են տարվել ֆիլմի վրա, որի արդունքը կտեսնեն մեկ օրից: «Վերջին չորս ամսում այնքան ենք աշխատել ու անքուն գիշերներ անցկացրել` չեմ պատկերացնում, որ այդ ամենը վերջում գալու է մի տեղ , որը կտեսնենք բոլորս»,-խոստովանում է ԱՐԹՈՒՐ ԲԱԲԱՅԱՆԸ:

Ֆիլմում Մկոյի կերպարում հանդես է գալիս մասնագիտությամբ դիզայներ Միքայել Շարաֆյանը` Լեւոն Շարաֆյանի որդին, ում համար սա առաջին լուրջ դերն է: Իր դերին Միքայելը շատ պատասխանատվությամբ է մոտեցել, քանի որ նույն ֆիլմում նրա հայրը` Լեւոն Շարաֆյանն է, իսկ մայրը` Ալլա Թումանյանը: Միքայելը նշում է, որ իրական կյանքում իր կերպարից շատ հեռու է. «Ես երբեւէ չեմ պատկերացրել, որ հայրիկի ու Ալլա Թումանյանի հետ հանդես կգամ միեւնույն ֆիլմում: Ռեժիսորն ինձ մոտավորեապես 3 ամիս համոզել է, որպեսզի նկարահանվեմ ֆիլմում: Դեմ էի այն պատճառով, որ մասնագիտությամբ դիզայներ եմ եւ այդ դերին ամենայն պատասխանատվությամբ էի մոտենում, վերջում համաձայնվեցի: Ֆիլմում գործողություները շատ հետաքրքիր ընթացք ունեն, ես հանդես եմ գալիս ոչ միայն մարդկանց հետ, այլեւ կենդանիների` օձի, էշի ,հավի, կովի»,- նշում է ՄԻՔԱՅԵԼ ՇԱՐԱՖՅԱՆԸ եւ հավելում, որ ֆիլմն իր կյանքը ամբողջությամբ փոխել է, որովհետեւ ամեն ինչ ֆիլմի ընթացքում ապրել է:

Ի դեպ, Մկոյի վեգասցի հարսնացուն ՇԱՐԼԻՆ ՌՈՈՒԶՆ Է: Ֆիլմի պրոդյուսեր ԷԴՄՈՆԴ ԳՐԻԳՈՐՅԱՆՆ էլ փաստում է, որ սա իր առաջին պրոդյուսերական ֆիլմն է, որի վրա ստեղծագործական անձնակազմն աշխատել է որպես ընտանիքի անդամներ. «Ֆիլմն ավարտելուց հետո հասկացել եմ, որ այն ինչ ֆիլմում արել եմ ճիշտ է»:

Ֆիլմի ռեժիսորն ու պրոդյուսերը Հայաստանում չեն եղել շուրջ 23 տարի, ուստի որոշել են Հայրենիք գալուց առաջ «դատարկաձեռն» չգալ, այլ բերել մի ֆիլմ, որի վրա աշխատել են հայ երիտասարդներ `ամերիկյան միջավայրում: Ըստ նրանց ամեն ինչ արել են, որպեսզի խստապահանջ հայ հանդիսատեսի ցանկությունները բավարարեն. «Սա ոչ թե դատելու, այլ դիտելո ֆիլմ է»,-ասում են նրանք:

Նշենք, որ ֆիլմում նկարահնվել է «Օսկարի» ներկայացված եւ «Ոսկե գլոբուս» մրցանակի դափնեկիր դերասանուհի, սակայն ֆիլմի ստեղծագործական անձնակազմը չցանկացավ բացահատել դերասանուհու անունը` թողնելով անակնկալ հանդիսատեսի համար:

«Հարսնացուն Վեգասից» ֆիլմը կցուցադրվի նաեւ Գյումիում եւ Արտաշատում:

ԶՎԱՐԹ ԽԱՉԱՏՐՅԱՆ