՛՛ՄԵՆՔ ԳԻՏԵՆՔ ԻՆՉՊԵՍ ԵՆ ՊԱՏՐԱՍՏՎՈՒՄ ԱՅԴՊԻՍԻ ՆԱՄԱԿՆԵՐԸ՛՛

՛՛ՄԵՆՔ ԳԻՏԵՆՔ ԻՆՉՊԵՍ ԵՆ ՊԱՏՐԱՍՏՎՈՒՄ ԱՅԴՊԻՍԻ ՆԱՄԱԿՆԵՐԸ՛՛

Ինչպես արդեն նշել էինք, օրերս Նիժնի Նորվգորոդում տեղի ունեցած հայ-ռուսական խորհրդարանական հանձնաժողվի նիստում պատգամավոր Հայկ Բաբուխանյանը բարձրացրել էր Աստանայում Ղազախստանի նախագահ Նազարբաեւի կողմից Ալիեւի նամակի հրապարակման հարցը: Պատասխանելով այդ հարցադրմանը հայ-ռուսական հանձնաժողովի ռուսաստանյան համանախագահ Նիլոլայ Ռիժկովը նշեց, որ անհասկանալի է, թե, որ հիմքով է, որ Ադրբեջանը հանդես է գալիս Եվրասիական միության աշխատանքի վերաբերյալ առաջարկություններով, երբ նա չի հանդիսանում ոչ Մաքսային միության անդամ, ոչ էլ հայտ է ներկայացրել այնտեղ անդամագրվելու համար: Խոսելով Նազարբաեւի ընթերցած նամակից, ռուս սենատորը նշեց. <Մենք գիտենք ինչպես են պատրաստվում նման նամակները>: Ն. Ռիժկովը կարծիք հայտնեց, որ պետք չէ գերագնահատել նամակի պատմությունը. <Եթե Նազարբաեւը հայտնած լիներ իր սեփական կարծիքը, այդ հարցի վերաբերյալ, ապա պետք էր շատ ուշադիր վերաբերվել այդ հարցին, քանի որ Ղազախստանը Եվրասիական միության հիմնադիր երկիր է: Սակայն քանի որ նամակը այնպիսի երկրի նախագահից է, որը չի էլ պատրաստվում անդամագրվել Եվրասիական միությանը ապա այն գերագնահատել պետք չէ եւ Այդպիսի նամակով կարող էր դիմել եւ Նիկարագուան>.- նշեց Ն. Ռիժկովը՝ դահլիճում հնչած ծափահարությունների ներքո:

ԱՐՄԵՆՈՒՀԻ ՀԱԿՈԲՅԱՆ