Ինչպես տեղեկացանք ՀԿԿ-ից, Հայաստանի կոմունիստական կուսակցության (ՀԿԿ) կենտկոմի բյուրոյում եւ Հայաստանի Առաջադիմական միացյալ կոմունիստական կուսակցության (ՀԱՄԿԿ) նախագահությունում վերջերս քննարկվել եւ հավանության էր արժանացել միասնական քաղաքական-խորհրդակցական մարմնի ստեղծման հարցը:
Հունիսի 3-ին ՀԿԿ կենտկոմի գրասենյակում տեղի ունեցավ այդ մարմնի հիմնադիր նիստը, որը վարեց ՀԿԿ կենտկոմի առաջին քարտուղար ՏԱՃԱՏ ՍԱՐԳՍՅԱՆԸ: Նրա խոսքով, երկու կոմունիստական կուսակցությունների ավելի սերտ համագործակցությունը ժամանակի հրամայականն է, եւ վերոնշյալ մարմնի աշխատանքները կամրապնդեն երկու քաղաքական ուժերի կապերը` հետագայում պայմաններ ստեղծելով միավորման համար: Նա շեշտեց, որ իր առաքելությունը` որպես կուսակցության լիդերի, կոմունիստական կուսակցությունների միավորումն է: ՀԱՄԿԿ կենտկոմի նախագահ ՎԱԶԳԵՆ ՍԱՖԱՐՅԱՆՆ իր խոսքում նշեց, որ ՙմասնատվածությունն է պատճառը, որ կոմունիստներն այսօր Ազգային Ժողովում չունեն խմբակցություն՚, ի զորու չեն իրենց խոսքը հասցնել ժողովրդին խորհրդարանական ամբիոնից: Հանդիպման մասնակիցները նշեցին, որ Հայաստանի կոմունիստները պետք է շարունակեն կազմակերպել համատեղ քայլեր, նաեւ նախապատրաստեն հանրահավաք, իսկ նրանց հիմնական քայլերը պետք է հանգեցնեն երկու կոմունիստական կուսակցությունների միավորմանը: Ստեղծվեց աշխատանքային խումբ` նորաստեղծ մարմնի հետագա աշխատանքները կազմակերպելու համար, եւ առաջիկայում կոմունիստները մամուլի ասուլիս կանցկացնեն:
1
8203 դիտում
2
2244 դիտում
3
2081 դիտում
4
2013 դիտում
5
1929 դիտում
