ՌՈՒԲԻԿ ՀԱԿՈԲՅԱՆԸ ԻՐ ԱԹՈՌԸ ԿՐԿԻՆ ԿԶԻՋԻ՞ Զ. ՓՈՍՏԱՆՋՅԱՆԻՆ

ՌՈՒԲԻԿ ՀԱԿՈԲՅԱՆԸ ԻՐ ԱԹՈՌԸ ԿՐԿԻՆ ԿԶԻՋԻ՞ Զ. ՓՈՍՏԱՆՋՅԱՆԻՆ

ԱԺ «Ժառանգություն» խմբակցության պատգամավոր, խմբակցության նախկին ղեկավար Զարուհի Փոստանջյանը երեք շաբաթից կլինի Հայաստանում, ինչպես ինքն է արդեն հայտարարել. «Զինված ու հարստացած»:
Սա երկու` ում համար դրական, ում համար էլ բացասական իրադարձության պատճառ կարող է դառնալ: Նախ` Զ. Փոստանջյանին չի հանդուրժի ոչ իշխանական քառյակը, հատկապես` ԲՀԿ-ականները, ովքեր բազմիցս լեզվակռվային փոխհրաձգության մեջ են եղել վերջինիս հետ եւ, ըստ էության, քառյակը` որպես քաղաքական միավորում կկնքի իր մահկանացուն: Եվ երկրորդ` ԱԺ «Ժառանգություն» խմբակցության ղեկավար Ռուբիկ Հակոբյանի սեւ օրերը սկսվում են, քանի որ Զ. Փոստանջյանն ու Ռ. Հակոբյանը օրեցօր առավել նկատելի էին դարձնում միմյանց նկատմամբ, մեղմ ասած, ոչ բարյացակամ հարաբերությունները: Բազմիցս հնչել են տեսակետներ, որ Ռ. Հակոբյանը հենց Զ. Փոստանջյանի պատճառով ժամանակին հրաժարվեց խմբակցության ղեկավարի պաշտոնից: Թե ի՞նչ փոփոխություններ են սպասվում ԱԺ «Ժառանգություն» խմբակցությունում` Զ. Փոստանջյանի վերադարձով, եւ արդյոք դյուրաբորբոք տիկինը կղեկավարի այն, «Իրավունքը» պարզեց «Ժառանգություն» կուսակցության փոխնախագահ ԱՐՄԵՆ ՄԱՐՏԻՐՈՍՅԱՆԻՑ.
- Ես այս պահին որեւէ բան չեմ կարող ասել, դեռ կերեւա, սակայն խմբակցության ղեկավարի փոփոխության խնդիր այս պահին չկա դրված:
- Միգուցե փոփոխություններ կլինեն առաջիկայում` «Ժառանգություն» կուսակցության նախատեսված համագումարից հետո՞:
- Համենայնդեպս, չկա նման խնդիր այս պահին:

ՀՐԱՆՏ ՍԱՐԱՖՅԱՆ