«ՇԱՏ ՀԱՃԱԽ ՕԳՏԱԳՈՐԾՈՒՄ ԵՆ ՊԱՏԱՆԻՆԵՐԻՆ ՈՒ ՓՉԱՑՆՈՒՄ»

«ՇԱՏ ՀԱՃԱԽ ՕԳՏԱԳՈՐԾՈՒՄ ԵՆ ՊԱՏԱՆԻՆԵՐԻՆ ՈՒ ՓՉԱՑՆՈՒՄ»

Հանցագործ աշխարհի հնարավոր եւ բոլոր անհնարին թվացող գործողություններից շատերի մասին հասարակությունը պատկերացում է կազմում հարեւան,- բարեկամի պատմածներից, մեծ մասամբ նաեւ տարատեսակ սերիալներից, որտեղ չգիտես ինչու բանտում հայտնված մարդը համարվում է «գողական» եւ կարծես թե դառնում է ամենազորը , որի ձեռքերում է հայտնվում մարդկության ճակատագիրը: Այսպիսի աղավաղված պատկերի հանդիպում ենք գրեթե ամենուր: Հոգեբան Սամվել Խուդոյանի խոսքով` մաֆիայի , գողական աշխարհի նկատմամբ կա մեծ հետաքրքրություն ամբողջ աշխարհում, որը բացատրում է այն հանգամանքով որ մաֆիան փակ կառույց է , գաղտնի ու առեղծվածային շատերի համար, ինչը բացահայտելու ձգտումն էլ մարդկանց մոտ առաջացնում է հետաքրքրություն: Ըստ հոգեբանի հանցագործ աշխարհը եւ դրա ներկայացուցիչը մեզնանում ընկալվում է, որպես առնականության խորհրդանիշ: «Հատկապես պատանեկության տարիներին, երբ մարդը փնտրում է իր նմանության օբյեկտներին, թե ում նմանվի եւ ում ճանապարհով գնա, այստեղ հայտնվում է հանցագործ աշխարհի ներկայացուցիչը, ում նկատմամբ պատանիները ցուցաբերում են մեծ ակնածանք: Բացի այդ նրանք դրական վերաբերմունքով են հակվում դեպի գողական աշխարհի օրենքները եւ անկախ իրենց կամքից սկսում են գործել այդ օրենքներով: Երբեմն ես շփվում եմ այդպիսի մարդկանց հետ` բոլորն էլ իրենց կյանքից զզվում են : Իրականում նրանք խոստովանում են որ իրենց կյանքը կործանել են, ինչը ցավոք սրտի հասկանում են մեծ տարիքում: Կյանքը կործանել են այն առումով , որ կյանքի 80 տոկոսը անցկացրել են բանտում»,-նշեց ՍԱՄՎԵԼ ԽՈՒԴՈՅԱՆԸ: Դեռահասության տարիքում գողական աշխարհի բոլոր գործողությունները պատանիների վրա թողնում են բացասական հետեւանքեր, քանի որ այդ տարիքում ձեւավորվում է սեռային ինքնագիտակցություն`սեռային ես-ը: Այդ ժամանակ նրանց մոտ, որպես իդեալ ընկալվում է «գողականը» եւ հետեւլով նրանց աշխարհի կարգ ու կանոնին, պատանիները սկսում են «ճիշտ» ու «սխալի» կարգով ապրել. «Շատ հաճախ իսկական հանցագործները օգատագործում են այս հանգամանքը եւ փչացնում պատանիներին: Նրանք պատանիներին կարող են թմրանյութեր տալ, գողությունների մեջ ներգրավվել եւ շահագործել: Գրեթե բոլորը շեղվում են հենց այս տարիքում եւ կործանում իրենց ամբողջ կյանքը»,- նկատեց հոգեբանը եւ ընդգծեց, որ սեփական կյանքի հետ նման ձեւով վարվելը դաժանություն է, այստեղ մարդը պարզապես օգտագործում է «ինքնաոչնչացման ծրագիր» սեական անձի հանդպ: Ինչ վերաբերում է մեր օրերում մարդկային մի փոքր անհանդուժողականության կամ հարցեր լուծելու դեպքում զենքի կիրառման նորաձեւությանը , ապա հոգեբանի խոսքով` զենք օգտագործում են այն մարդիկ ովքեր «թքած» ունեն օրենքի վրա, քանի որ վստահ են, որ ինչ էլ անեն չեն պատժվելու:

ԶՎԱՐԹ ԽԱՉԱՏՐՅԱՆ