ՖՐԵԴ ԴԱՎԹՅԱՆ. «ԴԵՐԱՍԱՆՆԵՐԸ ՀԱՆԳՍՏԱՆԱԼՈՒ ԻՐԱՎՈՒՆՔ ՉՈՒՆԵ՞Ն»

ՖՐԵԴ ԴԱՎԹՅԱՆ. «ԴԵՐԱՍԱՆՆԵՐԸ ՀԱՆԳՍՏԱՆԱԼՈՒ ԻՐԱՎՈՒՆՔ ՉՈՒՆԵ՞Ն»

Ամռանը, թատրոնները նույնպես այլ հաստատությունների նման, որոշակի ժամանակահատված, անցնում են արձակուրդային ռեժիմի:

Կ. Ստանիսլավսկու անվան ռուսական դրամատիկական թատրոնի տնօրեն ՖՐԵԴ ԴԱՎԹՅԱՆՆ «Իրավունքի» հետ զրույցում նույնպես հաստատեց իրենց թատրոնի ամառային հանգիստն ու հավելեց. « Ինչպես միշտ, հուլիսի 16-ից մենք էլ կմեկնենք արձակուրդ` մինչեւ օգոստոսի վերջը: Իսկ սեպտեմբերի 8-10-ն ընկած հատվածում կպատրաստվենք նոր խաղաշրջանի բացմանը»:

Իսկ այն կարծիքը, թե ինչո՞ւ ամռանը թատրոնը չի աշխատում Հայաստան այցելած զբոսաշրջիկների համար թատրոնի տնօրենը ասաց. « իսկ կներեք, եթե դերասանները եւ թատրոնի անձնակազմը ամբողջ տարի գիշեր-ցերեկ, քրտնաջան, գրեթե առանց հանգստյան օրերի աշխատում են, հանգստանալու իրավունք չունե՞ն: Ու պարտավո՞ր ենք զբոսաշրջիկների համար աշխատել: Ամառվա ընթացքում էլ, մենք հանգիստ չենք նստում, նոր եւ հին ներկայացումների փորձեր են ընթանում, հին ներկայացումները, որ առայժմ մեր խաղացանկում են, բայց չեն խաղացվում` դերասանական ներմուծումների համար: Թատրոնի խաղացանկը իր կորուստներից հետո պիտի ամբողջովին վերականգնվի, չհաշված որ զուգահեռ բեմադրվում են նոր ներկայացումներ»:

ԼԻԼԻԹ ԵՂԻԱԶԱՐՅԱՆ