ԱՄԱՌԸ ԻՐ ՀԵՏ ԲԵՐՈւՄ Է ՆԱԵՎ ՄԻ ՇԱՐՔ ՄԱՇԿԱՅԻՆ ԽՆԴԻՐՆԵՐ

ԱՄԱՌԸ ԻՐ ՀԵՏ ԲԵՐՈւՄ Է ՆԱԵՎ ՄԻ ՇԱՐՔ ՄԱՇԿԱՅԻՆ ԽՆԴԻՐՆԵՐ

Ամառանը ծովափնյա հանգստի մեկնողները լավ հանգստանալուց եւ ծովն վայելելուց զատ ազատագրված չեն նաեւ տհաճ միջադեպերից , որոնցից առաջինը արեւային այրվածքներն են: Արեւային այրվածքներից խուսափելու համար մասնագետները խորհուրդ են տալիս ընտրել արեւապաշտպան ճիշտ միջոցներ` առաջին օրերի համար պաշտպանող բարձր ցուցիչներով արեւապաշտպան քսուքներ , իսկ հետագայում ավելի թույլ միջոցներ: «Արմենիա» ՀԲԿ-ի մաշկաբան-սեռավարակաբան Կարեն Վարդանյանի խոսքով`ցանկալի է հանգստի մեկնողները իմանան տվյալ հանգստյան գոտու բնակիմայական տարբեր պայմանները, ինչը կարող է շատ դեպքերում մարդուն ազատել անցակալի իրավիճակներից: Ծովափնյա հանգիստը ստեղծում է միջավայր նաեւ անպաշտպան սեռական հարաբերությունների համար. «Հանգստյան սիրավեպերի հետեւանքների հետ մենք առնչվում ենք սեպտեմբեր ամսին: Ցանկացած սեռավարակ կարող է փոխանցվել նաեւ անպաշտպան սեռական հարաբերության ժամանակ, որի դեպքում ցանկալի է ճիշտ կանխարգելումը, քան դրա հետեւանքերն վերացնելը, ինչը բոլոր առումներով ավելի հեշտ է:Կանգարգելման լավագույն միջոցը առ այսօր մնում է պահպանակի օգտագործումը սեռական հարաբերությունների ժամանակ: Անպաշտպան հարաբերություններից հետո խորհուրդ է տրվում դիմել մասնագետի, քանի որ ինչքան վաղ է հայտնաբերվում սեռավարակը , այնքան բուժումը ավելի արագ է ընթանում»,- մեկնաբանում է ԿԱՐԵՆ ՎԱՐԴԱՆՅԱՆԸ եւ խորհուրդ տալիս, որ այդ դեպքերում ունենան փոխադարձ հավատարիմ զույգ կամ ձեռնպահ մնան պատահական սեռական հարաբերություններից:

Ըստ մասնագետի ամռանը կապված ջերմաստիճանի բարձրացման հետ մեծանում է նաեւ մաշկի տրամվան`ամբողջականության խախատումը, որը մաշկի պաշտպանական ռեակցիայի դրսեւորմյան խախատում է ,ինչը բարենպաստ պայմաններ է ստեղծում ցանկացած ինֆեկցիայի մուտքը դեպի մաշկի մակերեւույթ: Կարեն Վարդանյան եւս մեկ անգամ հորդորում է պահպանել անվտանգության բոլոր կանոնները եւ հոգարա լինել իրենց մարմնի հանդեպ, քանի որ հանգստից վերադառնալուց հետո երկար ժամանակ է պահանջվում «հանգստի» հետեւանքների վերացնելը:

ԶՎԱՐԹ ԽԱՉԱՏՐՅԱՆ