ՄԻԱՍՆԱԿԱՆ ՔՆՆՈՒԹՅՈՒՆՆԵՐԻ ՄԵԿՆԱՐԿԸ ՏՐՎԱԾ Է (+Տեսանյութ)

ՄԻԱՍՆԱԿԱՆ ՔՆՆՈՒԹՅՈՒՆՆԵՐԻ ՄԵԿՆԱՐԿԸ ՏՐՎԱԾ Է (+Տեսանյութ)

Այսօր՝ հունիսի 3-ին, հանրապետությունում մեկնարկեցին միասնական քննությունները:Այդ մասին «Իրավունքի» հետ զրույցում ասաց Գնահատման եւ թեստավորման կենտրոնի (ԳԹԿ) արտաքին համագործակցության բաժնի պետ ԱՐԱ ԻՍՊԻՐՅԱՆԸ:

Ա. Իսպիրյանի փոխանցմամբ` հունիսի 3-ի միասնական քննություններին մասնակցում էր մոտ 2000 դիմորդ:

«Այս տարի ընդունելության քննությունների ընթացակարգի հետ կապված որեւէ էական փոփոխություններ մենք չունենք: Սակայն ունենք փոփոխություններ որոշ առարկաների շուրջ` թեստերի կառուցվածքում»,- ասաց Ա. Իսպիրյանը:
ԳԹԿ արտաքին համագործակցության բաժնի պետը նաեւ տեղեկացրեց, որ միասնական քննությունների առաջին փուլի համար հայտագրվել են 12.500 դիմորդ:

Նշենք, որ դիմում հայտերի ընդունման երկրորդ փուլը կմեկնարկի հունիսի 25-ին եւ կտեւի մինչեւ հուլիսի 2-ը: Երկրորդ փուլին կարող են մասնակցել բանակից զորացրվածները, քոլեջի շրջանավարտները, ինչպես նաեւ արտասահմանյան ուսումնական հաստատություններն ավարտող մեր հայրենակիցները:

Նյութը, տեսանյութը՝ Վ. ՄՈՒՐԱԴՅԱՆԻ

Հ.Գ.- Նշենք, որ հունիսի 3-ին դիմորդները միասնական քննություն հանձնենցին`«Կենսաբանություն», «Աշխարհագրություն»,«Ընդհանուր պատմություն» առարկաներից: Իսկ թե ինչ փոփոխություններ կան քննական առարկաների հետ կապված, ապա այդ մասին Ա. Իսպիրյանի պարզաբանումները կներկայացնենք «Իրավունք-Հետաքննության» վաղվա համարում: