ԻՆՉՈՒ ԷՐ ԱԺ-ՈՒՄ ԽՄԵԼ ԱՇՈՏ ԱՐՍԵՆՅԱՆԸ
Արխիվ 12-16
ԻՆՉՈՒ ԷՐ ԱԺ-ՈՒՄ ԽՄԵԼ ԱՇՈՏ ԱՐՍԵՆՅԱՆԸ
Ասում են, ՀՀԿ-ական գործարար-պատգամավոր ԱՇՈՏ ԱՐՍԵՆՅԱՆԸ (Քլոսը) ԱԺ-ում խմել էր իր բիզնեսի դարդից: Հայտնի խայտառակությունից առաջ հայկական թերթերը գրում էին.
-Քաղաքական եւ բիզնես շրջանակներում խոսվում է, որ ՀՀ նախկին վարչապետ, Մեծ Բրիտանիայում նախկին դեսպան Արմեն Սարգսյանը ձեռք է բերել ԱԺ ՀՀԿ-ական պատգամավոր Աշոտ Արսենյանին պատկանող ՙՋերմուկ գրուպ՚ ընկերության 50 տոկոսը:
Երբ Արսենյանին հարցրեցինք` ճի±շտ են այս տեղեկությունները, նա պատասխանեց. ՙՉկա նման բան՚:
Այդուհանդերձ, նույն շրջանակները, ի դեպ` նաեւ ՙՋերմուկ գրուպի՚ աշխատակիցները, նշում են, թե Արսենյանին նեղում են բիզնեսում, եւ նա անգամ իր ընտանիքին է Հայաստանից Գերմանիա տեղափոխել Բադեն-Բադենում գտնվող առանձնատուն: Սույն տեղեկությունը եւս ՀՀԿ-ական պատգամավորը երեկ հերքեց:
Մոտ մեկ տարի առաջ մամուլում գրվել էր, որ նախկին վարչապետ Արմեն Սարգսյանը ձեռք էր բերել նաեւ ՙՊեպսի-կոլա՚ ընկերության բաժնետոմսերի խոշոր փաթեթ եւ Հարավային Կովկասում ՙՊեպսի-կոլայի՚ կառավարման իրավունքը: Իսկ ՙՊեպսի-կոլայի՚ վաճառքը ՀՀ-ում կենտրոնացած էր Արսենյանի ձեռքում: Երբ նրան հարցրեցինք` ճի±շտ են սույն տեղեկությունները, նա պատասխանեց. ՙՊեպսիի հետ ես կապ չունեմ՚: Հիշեցմանը` բայց նախկինում Դուք էիք Հայաստանում իրականացնում դրա վաճառքը` Արսենյանը պատասխանեց. ՙԻմ տղան է, հիմա էլ կա՚: Սակայն Արմեն Սարգսյանը վերցրել է դրա մի մասը, այդպե±ս է` հարցին, պատգամավորը պատասխանեց. ՙՈչ, ամբողջությամբ մերն է՚:
1
8266 դիտում
2
2244 դիտում
3
2081 դիտում
4
2028 դիտում
5
1929 դիտում
