ՔԱՌՅԱԿԸ ՈՏՔԸ ԴՐԵԼ ՄԻ ՙԲԱԲՈՒՋԻ ՄԵՋ՚ ՀԱՆՐԱՀԱՎԱՔ Է ՈՒԶՈՒՄ
Ոչ իշխանական քառյակը, եթե մինչ այս միասնական շուրջօրյա հանրահավաք էր ուզում անել, ապա հիմա այդպես էլ չկայացած հանրահավաքը որոշել է հետաձգել մինչեւ աշուն:
Երեկ միմյանց հետ չորս ժամ քննարկումներ իրականացնելուց հետո, քառյակին հյուրընկալող ԱԺ ՙԺառանգություն՚ խմբակցության ղեկավար ՌՈՒԲԻԿ ՀԱԿՈԲՅԱՆԸ նշեց. ՙՉորս քաղաքական ուժերով ընդունեցինք 12 կետից բաղկացած հայտարարություն, որոնք` որպես հրատապ առաջնահերթ պահանջներ, ձեւավորվել են եւ պետք է ներկայացվեն իշխանություններին: Հայտարարության տեքստն ամբողջությամբ պատրաստ է, որոշ խմբագրական աշխատանքներ պետք է արվեն եւ առաջիկայում մամլո ասուլիսով ձեզ կտեղեկացնենք հայտարարության տեքստին՚: Ինչպես նաեւ նշեց, որ միասնական հանրահավաք, ի վերջո, կանեն աշնանը: ՙԻրավունքի՚ այն հարցին, թե այս երեք ամիսների արդյունքներից կախված, հնարավո±ր է քառյակն էլի ետ կանգնի հանրահավաք անելու մտքից, Ռ. Հակոբյանը հավելեց. ՙՄենք բոլոր դեպքերի համար նախատեսել ենք հանրահավաք, որովհետեւ հանրահավաքը կլինի` ինչ-որ տեղ հաշվետվություն մեր այս պահանջների, քիչ հավանական եմ համարում, որ որեւէ զարգացումների դեպքում չկայանա հանրահավաքը՚:
1
8282 դիտում
2
2244 դիտում
3
2081 դիտում
4
2028 դիտում
5
1929 դիտում
