«ԵՍ ՈՒ ԻՄ ՍԵՐՆԴԻ ՄԻ ՔԱՆԻ ՆԵՐԿԱՅԱՑՈՒՑԻՉՆԵՐ ՌԵՍՏՈՐԱՆԻ ՀԱՄԱՐ ՉԵՆՔ»
Արխիվ 12-16
«ԵՍ ՈՒ ԻՄ ՍԵՐՆԴԻ ՄԻ ՔԱՆԻ ՆԵՐԿԱՅԱՑՈՒՑԻՉՆԵՐ ՌԵՍՏՈՐԱՆԻ ՀԱՄԱՐ ՉԵՆՔ»
Երգիչ, երգահան ՏԻԳՐԱՆ ՊԵՏՐՈՍՅԱՆՆ իր սերնդակից շատ ընկերների նման ասպարեզը թողեց սկսնակներին ու գերադասեց ստվերում աշխատել: Չնայած «Իրավունքի» հետ զրույցում Տիգրանը հերքեց իր` ստվերում լինելու փաստը, բայցեւայնպես հաստատեց այն` ասելով, որ միայնակ անզոր է պայքարել խորովածաքյաբաբային երաժշտության դեմ:
- Ինձ թվում է, այսօր ամեն ինչ իմաստը կորցրել է, ամեն ինչ վերածվել է հարսանիք, կնունք-ծնունդի, ավելին` ռեստորանային ինչ-որ իրավիճակի: Ես ու իմ սերնդի մի քանի ներկայացուցիչներ ռեստորանի համար չենք, դրա համար էլ այսպես ստացվեց: Համենայնդեպս, ձայնային ռեժիսուրան ինձ միշտ դուր է եկել, աշխատել եմ, հիմա ավելի շատ իմ ժամանակը տրամադրում եմ այս ոլորտին, քան` երգելուն:
- Ի՞նչ անել, որ ասպարեզը «քյաբաբային» որակից դուրս գա:
- Միեւնույն է, վերածվելու է: Չեմ կարծում, որ հնարավոր է վերադաստիարակել գենը, պիտի սերունդներ փոխվեն, որ ինչ-որ
բան փոխվի:
- Իսկ ի՞նչը բերեց սրան:
- Հեռուստատեսությունների, ռադիոների շատ մեծ սխալը: Պարզապես, թույլ տվեցին, որ այսօր այդ` «քյաբաբային» երաժշտությունը լինի առաջին պլանում: Հիշում եմ` Հանրային հեռուստատեսությունը 15-20 տարի առաջ, այդ ժամանակ մեկը փորձ կատարեր ու խնդրեր, որ իր տեսահոլովակը եթեր տան, եւ երգն էլ լիներ ոչ եթերային` կզննեին երգը, արդյո՞ք այն կարելի է եթեր տալ, թե` ոչ... Այսօր տեսահոլովակ նկարահանելը դարձել է խաղ ու պար, ցանկացած մարդ կարող է տեսահոլովակ ունենալ ու նույն Հանրայինով եթեր տալ: Իսկ ռադիոները` վատ երաժշտություն դնելու համար պատրաստ են: Ինչքան կորած, «կասետների» վրա գրված ձայնագրություններ կան, որ սովորաբար միայն տաքսիներում էր հնչում, հիմա եթերում է, եւ դա նորմալ է համարվում: Այդ խնդիրը մինչեւ պետական մակարդակի վրա չդրվի` չի լուծվի: Ազգը մշակույթով է ներկայանում, մենք այդ դեմքն ունե՞նք, այն, ինչ որ եթերներում է դա՞ է մեր դեմքը: Ինձ թվում է, սա արդեն անվտանգության խնդիր է: Դրա համար եմ ասում, մենակ պայքարել չեմ կարող, ես շատ վաղուց «ռեվալյուցաներ» չեմ, ավելի ուրիշ խնդիրներ կան:
ԼԻԼԻԹ ԵՂԻԱԶԱՐՅԱՆ
Հ.Գ. Տիգրան Պետրոսյանի հետ հարցազրույցն ամբողջությամբ կարդացե՛ք վաղվա տպագիր «Իրավունքում»
1
8203 դիտում
2
2244 դիտում
3
2081 դիտում
4
2013 դիտում
5
1929 դիտում
