ԵՐԲ ՄԱՆԿԱՆՈՒՄ ԵՆ ՔԱՂԱՔԱԿԱՆ ԳՈՐԾԻՉՆԵՐԸ

ԵՐԲ ՄԱՆԿԱՆՈՒՄ ԵՆ ՔԱՂԱՔԱԿԱՆ ԳՈՐԾԻՉՆԵՐԸ

Հունիսի մեկը երեխաների պաշտպանության օրն է, օր, որը մեկ անգամ եւս բոլորիս հիշեցնում է ավելի աչալուրջ լինել մեր գործողություններում, առավել ճիշտ եւ համահունչ օրենքներ ունենալ, որպեսզի մեր երկրի զարդերը՝ երեխաները էլ ավելի խաղաղ ու անհոգ ապրեն իրենց երկրում: Այս օրը մանկական երկաթուղին մնացածա օրերից ավելի մարդաշատ էր եւ լցված մանկան ճիչերով ու խաղերով: Որոշ ժամանակ անց երկաթուղի իր թոռների հետ ժամանեց ԱԺ նախագահ Գալուստ Սահակյանը, ով այնտեղ կազմակերպված ակցիայի շրջանակներում մի կտավ գնեց, այնուհետ պատասխանելով լրագորղների հարցին մի պահ հայտնվեց մանկության գրկում. <Շատ լավ չենք ապրել, քանի որ դա փորձությունների տարիներ էին եւ անընդհատ  հաղթահարելու գործընթացներ կային նաեւ մանուկների կողմից: Իսկ պայքարը մարդուն ավելի երջանիկ է դարձնում>:

Պատասխանելով iravunk.com-ի հարցին, թե ինչ խաղեր է խաղացել հանրապետության երկրորդ պաշտոնյան մանուկ հասակում նշեց, որ դա միանշանակ ֆուտբոլն էր, այնուհետ բասկետբոլը: Իսկ թե ինչ է երազել դառնալ մանուկ հասակում, հարցին Գ. Սահակյանը միանշանակ նշեց. <Ուսուցիչ, մանկավարժ, որն էլ եւ դարձել եմ: Այն դպրոցը որի տնօրենն եմ եղել, դեռեւս խորհրդային տարիներին բավականին հայտնի էր միության շրջանակներում, եւ մինչ այսօր շատերը նույնիսկ այդ դպրոցին անվանում են Սահակյանի դպրոց>:

Մանկական երկաթուղում իր մասնակցությունն էր ցուցաբերում նաեւ ԱԺ երիտասարդ պատգամավոր Նաիրա Կարապետյանը, ով կրկին կազմակերպված ակցիայի շրջանակներում պաղպաղակ էր վաճառում, որի ողջ հասույթը պետք է տրամադրվի Արցախի երեխաներին: Զրուցելով Ն. Կարապետյանի հետ պարզեցինք, որ վերջինս մանուկ հասակում երազել դառնալ երգչուհի եւ իրեն հաճախակի նմանեցրել էր Ռուսաստանի դաշնության պրիմադոննա՝ Ալլա Պուգաչովային. <Երբ տանը մենակ էի լինում, ձեռքս էի վերցնում մի հարմար իր, ասենք օրինակ մայրիկիս սանրը, օծանելիքի տուփը, եւ հայելու առաջ կանգնած սկսում էի երգել նրա երգերից: Բավականին աշխուժ երեխա եմ եղել, բակում շատ երկար ժամանակ էի անցկացնում եւ ինձ շատ դժվար էր տուն կանչել: Դպրոցից գալիս էի տուն, արագ դասերս էի սովորում եւ վազքով գնում էի բակ՝ խաղալու>: Բացի այն , որ Ն. Կարապետյանը բավականին աշխուժ երեխա է եղել նա նաեւ իր ապագան շատ վաղուցվանից է պատկերացրել: Այն հարցին, թե կպատկերացնեիք, որ պատգամվոր կդառնայիք, զարմանալիորեն նա չզարմացավ եւ պատասխանեց. <Ես վեցերորդ դասարանից սկսեցի պատկերացնել ինձ քաղաքական ճանապարհի վրա: Խորհրդային տարիներին ծնողներս կուսակցական աշխատանքի էին եւ ես նույնպես տեսնում էի իմ մեջ այդ ճանապարհը, բայց որ այսպիսի խորությամբ կգնամ, թերեւս այդքան էլ չէի պատկերացնի>:

Իսկ ահա Սոցապ նախարար Արտեմ Ասատրյանը մեզ հետ զրույցում ասաց, որ մանուկ ժամանակ շատ սիրել է ֆուտբոլ խաղալ եւ երազել է ֆուտբոլիստ դառնալ եւ պատկերացում անգամ չի ունեցել, որ մի օր կդառնա մեր երկրի կարեւորագույն պաշտոնյաներից մեկը:

ԱՐՄԵՆՈՒՀԻ ՀԱԿՈԲՅԱՆ