Սոցիոլոգ. «ՄԱՔՍԱՅԻՆ ՄԻՈՒԹՅԱՆԸ ԿՈՂՄ ԵՆ ՀԱՅ ԲՆԱԿՉՈՒԹՅԱՆ 64, 5 ՏՈԿՈՍԸ»

Սոցիոլոգ. «ՄԱՔՍԱՅԻՆ ՄԻՈՒԹՅԱՆԸ ԿՈՂՄ ԵՆ ՀԱՅ ԲՆԱԿՉՈՒԹՅԱՆ 64, 5

ՏՈԿՈՍԸ»

Երեկ Աստանայում Եվրասիական Տնտեսական Բարձրագույն Խորհրդի նիստի ժամանակ ակնկալվում էր, որ Հայաստանը կստորագրի Մաքսային միության հետ անդամակցության պայմանագիրը, որը չստորագրվեց, սակայն այն մնում է օրկարգում: «Երբ ՀՀ նախագահ Սերժ Սարգսյանը հայտարարեց, որ ՀՀ տանում է դեպի Մաքսային միություն երկրում տեղի ունեցան խմորումներ , այդ ժամանակ ես հայտարարեցի, որ հայ բնակչության 60% կողմնորոշված է դեպի Ռուսաստան տարբեր պատճառներով: Այստեղ ամենակարեւորը այն էր, որ Ռուսաստանում աշխատում են մեծաթիվ հայեր, որոնց ուղարկած միջոցներով ապրում են այստեղի իրենց ըտանքիները, արտահանողների զգալի մասը իրենց արտադրանքը արտահանում են դեպի Ռուսաստան, արտադրության համար հումք եւ արտադրանք են ստանում այնտեղից: Իսկ Եվրոմիությանն անդամակցելու դեպքում այս հնարավորությունները չի լինի: ՄՄ-ը անդամակցելու որոշումը արժանացել է հասարակության ակտիվ զանգվածի հավանությանը», -այսօր լրագրողների հետ հանդիպման ժամանակ նշեց սոցիոլոգ ԱՀԱՐՈՆ ԱԴԻԲԵԿՅԱՆԸ:

Հայաստանի անդամակցության գործընթացը Մաքսային միությանն սկսելուց հետո, ըստ սոցիոլոգի նախորդ ամիս իրականացվել է հարցում ամոբղջ Հայաստանում`շուրջ 5000 բնակիչներ շրջանում, պարզելու համար թե արդյո՞նք փոխվել է հասարկության կարծիքը ՄՄ եւ ԵՄ անդամակցության վերաբերյալ: Նրա տվյալներով Հայաստանն ինչ-որ մեկին միանալու կողմանակիցների թիվը կազմում են 58%, դեմ`22%, 20 տոկոսն էլ անտարբեր են, կարծելով, որ ոչ մի դեպքում Հայաստանի վիճակը չի փոխվելու: Հարցումներիր արդյունքում պարզվել է, որ Մաքսային միությանը կողմ են բնակչության 64, 5%, դեմ` 7, 4%: Եվրոմիությանը միանալու կողմնակցները 16, 2% են, դեմ`23, 2%: «Հարցումներին մասնակցող յուրաքանչյուր 4 մասնակիցներից 3-ը կողմ են ՄՄ-ին: Երիտասարդների մոտ տվյալները մի քիչ համեստ են, ՄՄ-ին անդամակցելու հարցում 2-3 կողմնակիցներին` 1 դեմ է, երտասարդները ավելի շատ են ձգտում Եվրոպա քան Ռուսաստան: Կուսակցություններ առումով մեզ թվում էր , որ ընդդիմադիրները պետք է ցայտուն արտահայտնեն իրենց բացասական կարծիքը, սակայն ԲՀԿ-ից ՄՄ-ը 3`-ը կողմ են 1-ը` դեմ, ՀՅԴ-ից 1-ը` դեմ է, 3-ը` կողմ, Ժառանգությունից ` 1 դեմ եւ 1 կողմ, ՀԱԿ –ից դեմ արտահայտվողներ չկան »,-փաստեց սոցիոլոգը եւ հավելեց, որ այս առումով մարզերի եւ Երեւանի միջեւ կա բավականին տարբերություն`ՄՄ-ը անդամկցելու հարցում Երեւնում կողմնակիցները 5 տոկոսով պակաս են, ինչը բացատրվում է նրանով , որ մարզերի բնակիչներից շատերը արտագաղթում է ՌԴ, իսկ Երեւանից արտագաղթում են հիմնականում Եվրոպա: Ահարոն Ադբեկլյանի խոսքով, եթե պարտադիր կենսաթոշակային կուտակայինին դեմ եղան շատերը եւ դրա դեմ ցույցերը մեծ թափ ստացան, ապա ՄՄ-ը անդամակցելու հարցում նման դեպք չգրանցվեց, չնայած փորձեր եղան:

ԶՎԱՐԹ ԽԱՉԱՏՐՅԱՆ