Թոքաբան. «ԾԽԱԽՈՏԻ ՀԵՏԵՎԱՆՔՈՎ ԱՄԲՈՂՋ ԱՇԽԱՐՀՈՒՄ ՏԱՐԵԿԱՆ ՄԱՀԱՆՈՒՄ Է 6 ՄԼՆ ՄԱՐԴ»

Թոքաբան. «ԾԽԱԽՈՏԻ ՀԵՏԵՎԱՆՔՈՎ ԱՄԲՈՂՋ ԱՇԽԱՐՀՈՒՄ ՏԱՐԵԿԱՆ ՄԱՀԱՆՈՒՄ Է 6 ՄԼՆ ՄԱՐԴ»

1978 թվականին Առողջապահության Համաշխարհային Կազմակերպության (ԱՀԿ) կողմից մայիսի 31-ը հռչակվեց, որպես առանց ծխախոտի օր: Ծխելու հետեւանքով յուրաքանչյուր տարի ամբողջ աշխարհում մահանում է 6 մլն մարդ, որից 600 հազարը պասիվ ծխողներ են, այսինքն` մարդիկ ովքեր ծխում են վնասում են նաեւ իրենց շրջապատի չծխող մարդկանց առողջությանը: Ըստ ՀՀ ԱՆ գլխավոր թոքաբան Անդրանիկ Ոսկանյանի թոքերի ուռուցքից 90 տոկոս մահացողների , սրտային հիվանդությունների 25 եւ խրոնիկ-բրոնխիտի 75 տոկոս մահացությունները պայմանավորված են ծխելու հետ: Ամբողջ աշխարհում յուրաքանչյուր 10 վայրկյանը մեկ մահանում է մեկ մարդ, իսկ 2020 թվականին `10-ը կդառնա 3 վայրկյան: Այս ցուցանիշները գլխավոր թոքաբանի խոսքով`շատ մտահոգիչ են: ԱՀԿ-ի ուսումնասիրությունների արդյունքում պարզվել է, որ 25 տարբեր հիվանդություններ առաջանում են ծխելու հետեւանքով: Այստեղ ամենգլխավոր խնդիրն այն է, թե ինչպես պետք է պայքարել ծխելու դեմ. «Առաջարկում եմ, որ տարվա մեջ գոնե այս մեկ օրը`մայիսի 31-ը նշենք առանց ծխախոտի , գոնե այս մեկ օրը ծխող մարդիկ չծխեն: Սա կլինի մեծ ակցիա, որը կգրավի ուշադրություն եւ առաջին հերթին պետք է գրավի իշխանական կառույցների ուշադրությունը, որպեսզի նրանք հասկական, որ այստեղ ինչ- որ մի բան այն չէ: Ինձ մոտ այնպիսի տպավորություն է, որ այն ծրագրերը, որ ուղղված են ծխելու դեմ պայքարին գործում են պարզապես գումարներ յուրացնելու համար, քանի որ դրանք ոչ մի արդյունք չեն տալիս»,-փաստեց ԱՆԴՐԱՆԻԿ ՈՍԿԱՆՅԱՆԸ ընդգծելով, որ ծխելու դեմ պայքարում արդյունք կլինի միայն այն ժաանակ, երբ ժողովուրդը, ընտանիքը, մարդը գիտակցի դրա վնասակարության մասին եւ պայքարի դրա դեմ: 1990 թվականին հայաստանյան մի քանի դպրոցներում իրականացվել է հարցում, որի արդյունքում պարզվել է, որ դպրոցականների ընտանիքների 76 տոկոսը ծխում է , ինչը գլխավոր թոքաբանի կարծիքով շատ բարձր ցուցանիշ էր. «Եթե ընտանիքներում չկան ծխողներ, ապա բրոնխյալ ասթմայով հիվանդների թիվը կազմում է 12 -12,1 տոկոս, իսկ եթե կա մեկ ծխող այդ տոկոսը հասնում է 22, 2 տոկոսի: Այս ամենը իմանալով, ծնողներից ոմանք թողեցին ծխելը` գիտակցելով որ իրենց ծխելու արդյունքում վնասում են երեխաների առողջությանը: Ծխելը թողնելուց հետո մարդու մոտ կարող է առաջանալ որոշակի բարդություններ, ուստի անհրաժեշտ է, որ ծխելը դադարեցնելուց հետո մարդը ձեռնարկի որոշակի քայլեր, օրինակ զբաղվի սպորտով»,-խորհուրդ է տալիս Անդրանիկ Ոսկանյանը: Նրա տվյալներով Հայաստանում կանաց միայն 3,5 տոկոսն է ծխում, ինչը համեմատած այլ երկրների հուսալի ցուցանիշ է: Անդրադառնալով ծխախոտի գովազդին պրն. Ոսկանյանը նշեց, որ հեռուստատեսությամբ այսօր ծխախոտի գովազդ չկա, սակայն ամեն քայլափոխի խանութների ցուցափեղկերին կան ծխախոտը գովազդող գայթակղիչ գովազդներ: Այստեղ հարց է առաջանում, ինչպե՞ս պայքարել, որպեսզի անչափահաս երեխաները չգայթկղվեն այդ գովազդներով: Անդրանիկ Ոսկանյանը նկատեց, որ պետությունը պետք է «պատասխանատվության» կանչի ծխախոտ արտադրողներին եւ նրանցից պահանջի, որպեսզի նրանք իրենց եկամուտների 10 տոկոսը տրամադրեն այն ֆոնդին, որը բուժում է մարդկանց, որոնց առողջությունը վնասվել է ծխելուց: Նշենք, որ ըստ ՀԱԿ-ի տվյալների` ծխախոտ օգտագործելու քանակով 121 պետություններից Հայաստանը զբաղեցնում է 11-րդ հորիզոնականը:

ԶՎԱՐԹ ԽԱՉԱՏՐՅԱՆ