ԲՆԱՊԱՀՊԱՀՊԱՆՈՒԹՅԱՆ ՆԱԽԱՐԱՐԸ ԵՎ ԻՐ ԹԻԿՆԱՊԱՀԸ ՀԱՐՁԱԿՎԵԼ ԵՆ ՆԱԽԱՐԱՐՈՒԹՅԱՆ ԱՇԽԱՏԱԿԻՑՆԵՐԻ ՎՐԱ

ԲՆԱՊԱՀՊԱՀՊԱՆՈՒԹՅԱՆ ՆԱԽԱՐԱՐԸ ԵՎ ԻՐ ԹԻԿՆԱՊԱՀԸ ՀԱՐՁԱԿՎԵԼ ԵՆ ՆԱԽԱՐԱՐՈՒԹՅԱՆ ԱՇԽԱՏԱԿԻՑՆԵՐԻ ՎՐԱ

Այսօր Բնապահպանության նախարարությունում տեղի է ունեցել հերթական սկանդալը, որոնք անպակաս են վերջին շրջանում մի շարք իշխանավորներից: Այս անգամ Բնապահպանության նորանշանակ նախարար Արամայիս Գրիգորյանը խորհրդակցություն անցկացնելու ժամանակ, իրեն պահում էր խիստ լկտի եւ կոպիտ: Նախարարության աշխատակիցներին դիմում էր բացարձակապես դու-ով` ի խախտումն  ՀՀ նախագահաի հանձնարարականի քաղաքացիների հետ Դուք-ով խոսելու վերաբերյալ: Սակայն դրանով նորաթուխ նախարարը չսահմանափակվեց եւ անցավ ավելի վիրավորական բառերի, ավելին իրեն վերապահեց դպրոցի դասատուի դերը եւ սկսեց դուրս հանել շխատակիցներին խորհրդակցությունից. «Արա դուրս արի ստեղից»: Դուրս եկողներին դրսում սպասում էին նախարարի թիկնապահները, որոնք հարձակվում էին բռունցնքերով ու հայհոյանքներով  եւ սկսում էին հարվածել նախարարին դուր չեկած աշխատակիցներին: Ինչպես խոսում են նախարարության աշխատակիցները, նորանշանակ նախարարը իր Ավշար գյուղի օղու բարքերը տեղափոխել է նախարարություն եւ քիչ թե շատ իրենց հարգող մասնագետները դուրս են գալիս աշխատանքից: Ի դեպ, հենց դա է նորանշանակ «տեր-թոդիկի» նպատակը, քանի որ վերջինս այդ մեթոդով տեղեր է ազատում  իր մտերիմներին նախարարությունում աշխատանքի  տեղավորելու համար: Մեկ այլ հարց է, թե ի՞նչ իրավունքով եւ ո՞ւմ հաշվին են նախարարները պահում  «հաստավիզ ախռանիկներ», նույնպես խախտելով ՀՀ նախագահի հանձնարարականը: Եվ արդյոք նախարարությունները վեր ածելով ստրկատիրական համակարգի եւ ներմուծելով այդտեղ միջնադարյան բարքեր հնարավոր է որեւէ դրական տեղաժարշ ակնկալել ՀՀ-ում կուտակված անթիվ-անհամար բնապահպանական խնդիրները լուծելու համար:

Ի դեպ Արամայիս Գրիգորյանը, ուղիղ մեկ շաբաթ առաջ, ԱԺ-ում հարբած «գաստրոլներ» տված պատգամավոր Արաիկ Գրիգորյանի հարազատ եղբայրն է: Հետաքրքիր է արդյոք նորանշանակ նախարարը կշարունակի՞ պաշտոնավարել, թե՞ նման այլանդակ պահվածքի համար կզրկվի իր աթոռից:

ԱՐՄԵՆՈՒՀԻ ՀԱԿՈԲՅԱՆ