ՙԴԱՎԻԹԸ ԹՈՒՅԼ Է, ՀԱԶԻՎ Է ՔԱՅԼՈՒՄ, ԲԵՐԱՆԻՑ ԷԼ ԱՐՅՈՒՆ Է ԳԱԼԻՍ՚՚

ՙԴԱՎԻԹԸ ԹՈՒՅԼ Է, ՀԱԶԻՎ Է ՔԱՅԼՈՒՄ, ԲԵՐԱՆԻՑ ԷԼ ԱՐՅՈՒՆ Է ԳԱԼԻՍ՚՚

Լյուքս Ստեփանյանի սպանության գործով մեղադրյալ Դավիթ Խաչատրյանը, հավանական է, որ հաջորդ դատական նիստին չկարողանա մասնակցել` առողջական վիճակի հետ կապված: Մեզ հետ զրույցում ասաց եղբորը երեկ տեսակցած Դավիթ Խաչատրյանի եղբայրը` Վարդան Խաչատրյանը:

- Դավիթը շատ թույլ է, հազիվ է քայլում, իսկ բերանից, ստամոքսից եւ աղիքներից արյուն է գալիս, հոգեպես ընկճված վիճակում է գտնվում: Ես անձամբ եմ նրան խոստացել, որ ամեն ինչ լավ է լինելու, որից հետո նա քանդել է բերանի կարերը: Ես չէի կարող թողնել, որ նա մահանա, բայց նաեւ վստահ չեմ, որ խոստացածիս պես ամեն ինչ լավ է լինելու: Իմ եղբորը դատում են մի բանի համար, որ նա չի արել, եւ մենք դա բողոքարկելու են դատական բոլոր ատյաններում;

- Մամուլում տեղեկություն էր տարածվել, որ եթե ի վերջո դատարանը դատապարտի Ձեր եղբորը, Ձեր կողմից վենդետա կսկսվի, հնարավո±ր է:

- Չգիտեմ վենդետա կլինի, թե ինչ, բայց եթե տեսնենք, որ եղբորս դատում են ոնց որ իրենք են ուզում` առանց հիմքերի, ապա հաստատ ձեռքներս ծալած չենք նստելու:

Հիշեցնենք, որ ըստ Դ. Խաչատրյանին առաջադրված մեղադրանքի նա, հանդիսանալով ՀՀ Պն թիվ 27229 զորամասի զինծառայող, 2013թ. մայիսի 15-ին ընդգրկված լինելով զորամասի պահակախմբի վերակարգում և ժամը 15:00-ից 15:30-ը ծառայություն իրականացնելով պահակակետի մուտքի դռան մոտ` որպես ժամապահ, պահակատան տարածքում տեղակայված ամառային տաղավարում գտնվող հանգստացող հերթափոխի ժամկետային զինծառայող, շարքային Լյուքս Ստեփանյանի կողմից իր հասցեին պարբերաբար հնչեցրած հայհոյանքներին ու վիրավորական արտահայտություններին ի պատասխան բացել է իրեն ամրակցված ԱԿՄ տեսակի ինքնաձիգի ապահովիչը, լիցքավորել, դրել մենահատ կրակ իռեժիմի վրա, ինքնաձիքի փողն ուղղել տաղավարի ուղղությամբ, ապա Լյուքս Ստեփանյանի կողմից չկրակողի հասցեին հնչեցրած հայհոյանքից ամիջապես հետո, երեք այլ զինծառայողների հետ ոչ մեծ բացօթյա տաղավարում գտնվող Լյուքս Ստեփանյանին ապօրինաբար, դիտավորությամբ կյանքից զրկելու նպատակով, շատերի կյանքի համար վտանգավոր եղանակով` անտեսելով այլ, տվյալ դեպքում իր երեք համածառայողների կյանքին սպառնացող ռեալ վտանգը, մեկ հատ մենահատ կրակոց է արձակել Լյուքս Ստեփանյանի ուղղությամբ, որի հետևանքով վերջինս գլխի շրջանում ստացած հրազենային վնասվածքից տեղում մահացել է, իսկ շարքային Հրաչյա Սարգսյանը գլխի շրջանում ստացել է հրազենային մարմնական վնասվածք, որով կյանքի համար վտանգավոր ծանր վնաս է պատճառվել է նրա առողջությանը:

ԻԼՈՆԱ ԱԶԱՐՅԱՆ