ԱԶԳԱՅԻՆ ՆՎԱԳԱՐԱՆՆԵՐԻ ՊԵՏԱԿԱՆ ՆՎԱԳԱԽՄԲԻ ՀԱՄԵՐԳԸ`ՆՎԻՐՎԱԾ ԱՌԱՋԻՆ ՀԱՆՐԱՊԵՏՈՒԹՅԱՆ ՀՌՉԱԿՄԱՆ ՕՐՎԱՆ

ԱԶԳԱՅԻՆ ՆՎԱԳԱՐԱՆՆԵՐԻ ՊԵՏԱԿԱՆ ՆՎԱԳԱԽՄԲԻ ՀԱՄԵՐԳԸ`ՆՎԻՐՎԱԾ

ԱՌԱՋԻՆ ՀԱՆՐԱՊԵՏՈՒԹՅԱՆ ՀՌՉԱԿՄԱՆ ՕՐՎԱՆ

Հայաստանի առաջին Հանրապետությունը անկախ հռչակվեց 1918 թվականի մայիսի 28-ին, մայիսյան հերոսամարտերից հետո` Սարադարապատ, Բաշ-Ապարան եւ Ղարաքիլիսա: 1915 թվականի երիտթուրքերի իրականացրած Հայոց Ցեղասպանության արդյունքում բազմաթիվ հայեր դարձել էին գաղթական, փակ էին տրանսպորտային ուղիները եւ այս ամենի հետեւանքով պետության ղեկավարներին չէր հաջողվում ստեղծել կայուն պետություն: Ուստի, Առաջին Հանրապետությանը անկախությունը հայ ժողովուրդը ձեռք բերեց ծանր եւ տեւական պայքարի արդյունքում: Չնայած Առաջին Հանրապետության Անկախությունը տեւեց ընդհամենը 2, 5 տարի, սակայն այն հայ ժողովրդի համար հիմք նախապատրաստեց ապագա հզոր պետություն ունենալու եւ կրկին անկախություն ձեռք բերելու մեծ տեսլականը: Հայերը, հերոսությամբ կարողացան ձեռք բերել իրենց Անկախությունը եւ պայքարել հանուն իրենց անկախության եւ ազատության համար: Յուրաքանչյուր տարի հայ ժողովուրդը մեծ շուքով է նշում Առաջին Հնարապետության Անկախության հռչակման օրը, այս տարի եւս բացառություն չէր, տոնական եռուզեռը սկսվել էր դեռ անկախության հռչակման նախօրեին: Մայիսի 27-ին` Հայաստանի ազգային նվագարաների պետական նվագախումբը, «Արամ Խաչատրյան» համերգասրահում հանդես եկավ մեծ համերգով` ձոնված առաջին Հանրապետության հռչակաման օրվան: Նվագախումբը ՀՀ վաստակավոր արտիստ, նվագախմբի ղեղարվեստական ղեկավար եւ գլխավոր դիրիժոր ՆՈՐԱՅՐ ԴԱՎԹՅԱՆԻ գլխավորությամբ հանդիսատեսին ներկայացրեց Կոմիտասի, Սայաթ-Նովայի, Արամ Խաչատրյանի, Խաչատուր Ավետիսյանի, Աշուղ Աշոտի, Ջիվանու եւ այլոց ստեղծագործությունները: Երկու ժամ շարունակ նվագախումն իր գանձարանի մարգարտյա էջերում պահվող լավագույն ստեղծագործություններով հիացրեց հանդիսատեսին, չէ՞ որ առջեւում հայերի համար պատմական նշանակություն ունեցող տոնն էր` Հայաստանի Առաջին Հանրապետության Անկախության հռչակման օրը: Այդ ստեղծագործություններից յուրաքանչյուրն ունի մեծ պատմություն եւ նվագախումբը այդ պատմությանը մասնակից դարձրեց նաեւ իր հանդիսատեսին: Երաժշտական կատարումները համեմվում էին հայ մեծանուն բանաստեղծների գլուխգործոցների ընթերցմամբ:

Տոնական համերգները կշարունակվեն նաեւ այսօր` մայիսի 28-ին ոչ միայն համերգասրահներում, այլեւ ամբողջ Հանրապետությունում:

ԶՎԱՐԹ ԽԱՉԱՏՐՅԱՆ