Արմավիրի մարզի Ակնաշեն գյուղի բնակիչ, 82-ամյա Լազրո Գաբրիելյանը, ով նախօրեին մահացել է ինքնահրկիզվելու հետեւանքով, վերջին շրջանում որոշ հոգեկան շեղումներ ուներ: Այս մասին մեզ հետ թղթակցին հայտնեց գյուղապետ Միսակ Միսակյանը: Գյուղապետի խոսքով.
- Գաբրիելյանների ընտանիքը գյուղում համարվում է ապահովվածներից մեկը, եւ ինքնահրկիզման պատճառը սոցիալական չէ: Նա լուսադեմին է այդ քայլին գնացել` բենզինը լցրել է վրան եւ անկողնում այրել իրեն: Հենց իմ կողքի տանն էին ապրում, շատ լավ ընտանիք են, երեք աղջիկ եւ մեկ տղա ունեն, բոլորն էլ` ամուսնացած: Տղան ֆիզկուլտուրայի ուսուցիչ է, գյուղի ամենահամեստ ու լավ տղաներից մեկը: Լազրոն վերջին շրջանում խնամում էր 1927 թ. ծնված իր եղբորը, որը անկողնային վիճակում էր ու ինքը նրա հետ տան մեջ առանձին սենյակում էր ապրում: Ինքը միշտ աշխատել է, բայց վերջին տարիներին հոգեկանի առումով մի քիչ փոխվել էր: Ընտանիքի անդամների մոտ այս լուրը շոկ է առաջացրել, տղան իր տեղը չի կարողանում գտնել, չի հասկանում, թե ինչու նման բան եղավ: ԻԼՈՆԱ ԱԶԱՐՅԱՆ
1
8741 դիտում
2
2244 դիտում
3
2102 դիտում
4
2034 դիտում
5
1935 դիտում
