«ԲԱՆԱԿՆԵՐԸ ՉԵՆ ԳՆԱՀԱՏՎՈՒՄ ԻՐԵՆՑ ՍՊԱՌԱԶԻՆՈՒԹՅԱՄԲ»
Արխիվ 12-16
«ԲԱՆԱԿՆԵՐԸ ՉԵՆ ԳՆԱՀԱՏՎՈՒՄ ԻՐԵՆՑ ՍՊԱՌԱԶԻՆՈՒԹՅԱՄԲ»
Մայիսի 20-ին հակամարտ զորքերի շփման գծի հարավային ուղղությամբ տեղակայված զորամասերից մեկի պահպանության տեղամասի մարտական հենակետում հակառակորդի կողմից արձակված գնդակից մահացու հրազենային վիրավորում է ստացել զինծառայող Արթուր Օհանջանյանը: Իսկ մայիսի 25-ին մահացու հրազենային գնդակային վիրավորում է ստացել փոխգնդապետ Գարիկ Բալայանը: Այս եւ վերջերս հերթական անգամ հակառակորդի կողմից դիվերսիոն գործողություններ իրականացնելու անհաջող փորձի մասին, երեկ Ազգային ժողովի պաշտպանության, ազգային անվտանգության եւ ներքին գործերի ու ֆինանսավարկային եւ բյուջետային հարցերի մշտական հանձնաժողովների համատեղ դռնփակ նիստից առաջ լրագրողների հետ զրույցում պարզաբանում տվեց ՀՀ պաշտպանության նախարար ՍԵՅՐԱՆ ՕՀԱՆՅԱՆԸ.
-Ընդհանուր առմամբ, պետք է հասկանանք հետեւյալը, որ այդ իրավիճակը պարբերաբար կրկնվում է, այսինքն` լարվածություն միշտ էլ կա, քանի որ առաջին գծում մենք խնդիր ունենք հակառակորդի հետ: Իհարկե, պաշտպանության բանակի հատվածում փորձ եղել է` դիվերսիոն հետախուզական գործողություն իրականացնելու, բայց մեր դիրքապահները կանխել են եւ խիստ կերպով պատժել հակառակորդին: Արդյունքում հակառակորդն ունեցել է կորուստներ եւ վիրավորներ:
- Արդյոք այս ամենը պայմանավորված չէ նրանով, որ Ադրբեջանն իր բանակը համալրում է նոր սպառազինությամբ:
- Անկասկած հասկանալի է, որ Ադրբեջանի հնարավորությունները մի քիչ ավելի շատ են, բայց այն մեր կողմից վերահսկվում է: Սպառազինությունը հակառակորդի կողմից պարբերաբար թարմացվում է, բայց մենք պետք է հասկանանք հետեւյալը, որ բանակները չեն գնահատվում իրենց սպառազինությամբ: Այդ սպառազինությունները պետք է նախեւառաջ յուրացնել, պահել եւ շահագործել: Եվ նաեւ պետք են մարդիկ, որոնք կարող են պատշաճ կերպով դրանք պահել ու շահագործել: Այդ առումով այսօր ՀՀ պաշտպանության նախարարությունն ու ԼՂՀ պաշտպանության բանակը ուժերի հավասարակշռությունը` առանց մի որեւիցե երրորդ ուժի, պահպանում են` մեր զինծառայողների որակական պատրաստվածության եւ մարտական ոգու հաշվին:
ՀՐԱՆՏ ՍԱՐԱՖՅԱՆ
1
8592 դիտում
2
2244 դիտում
3
2096 դիտում
4
2028 դիտում
5
1935 դիտում
