''ԵՍ ԴԵՌ ԿՊԱՐԶԵՄ, ԹԵ ՈՎ Է ՏՂԱՆԵՐԻՍ ԱՆՎԱՆ ՀԵՏ ՈՒԶՈՒՄ ԽԱՂԱԼ'

''ԵՍ ԴԵՌ ԿՊԱՐԶԵՄ, ԹԵ ՈՎ Է ՏՂԱՆԵՐԻՍ ԱՆՎԱՆ ՀԵՏ ՈՒԶՈՒՄ ԽԱՂԱԼ''

Երեկ լրատվամիջոցներում տեղեկություն տարածվեց, որը հաստատեց  նաեւ ոստիկանությունը, այն մասին որ Սյունիքի նախկին մարզպետ, ներկայումս Սյունիքի ՀՀԿ կառույցի ղեկավար Սուրիկ խաչատրյանի եղբորորդին՝ էյներ խաչատրյանը մայիսի 25-ի գիշերը Գորիսում դաժան ծեծի է ենթարկել Կուլակ մականունով, հայտնի Գուրգեն Հարությունյանի տղաներին՝ Գոռ եւ Արթուր Հարությւոնյաններին, այնուհետեւ նրանց տարել անհայտ ուղղությամբ: Չնայած նրան, որ ոստիկանությունը եւս հաստատել է մամուլում շրջանառվող տեղեկությունը, սակայն մեզ հաջողվեց կապ հաստաել Գոռ եւ Արթուր Հարությունյանների մոր`Սոֆիա Հարությունյանի, հետո ով մեզ հետ զրույցում պարզապես ապշել էր լրատվամիջոցներում տեղ գտած ինֆորմացիայից. ''Ապշել եմ ինտերնետում իմ որդիների մասին սուտ տեղեկությունները կարդալուց հետո'':

- Ես դեռ այսքան ժամանակ  նման կեղտոտ սուտ  չէի լսել: Սուտ-սուտ բաներ են գրում թե իբր տղաներիս Էյները..., ամոթել է ասել, դաժան ծեծի է ենթարկել եւ դրան գումարած գողացել տարել: Ոտքից գլուխ էդ ամեն ինչը սուտ է: Ես չգիտեմ թե ով է ոստիկանություն դիմել եւ նման սուտ հայտնել իրավապահներին, մենք ոստիկանություն ընդհանրապես չենք դիմել, ավելին դիմելու կարիք չունենք, որովհետեւ նման բան չի եղել: Մենք նոր ինտերնետի միջոցով կարդացել ենք այդ ապատեղեկատվությույնը եւ չգիտենք՝ ինչ անենք, բայց հաստատ կպարզենք, թե ով է ուզում նման ձեւով տղաներիս անվան հետ խաղալ: Չնայած կոնկրետ իմ անձի հետ կապված ոչինչ չկա, բայց ես առավոտյան տղաներիս հետ գնալու եմ բաժին եւ պատմեմ այն ինչ Ձեզ պատմեցի, իսկ, թե ովքեր են այդ ապատեղեկատվությունը տրամադրել ոստիկանությանը, թող դա էլ իրավապահները պարզեն: Իմ տղաները եղել են եւ կան Էյների մտերիմ ընկերները, թող ստեր ասողները ամաչի, որ հետո պատասխան տան ոստիկաններին:

ԻԼՈՆԱ ԱԶԱՐՅԱՆ