ՏՈՆԱԿԱՆ ՀԱՄԵՐԳ` ՆՎԻՐՎԱԾ ՀԱՅԱՍՏԱՆԻ ԱՌԱՋԻՆ ՀԱՆՐԱՊԵՏՈՒԹՅԱՆ ՕՐՎԱՆ (+Տեսանյութ)
Արխիվ 12-16
ՏՈՆԱԿԱՆ ՀԱՄԵՐԳ` ՆՎԻՐՎԱԾ ՀԱՅԱՍՏԱՆԻ ԱՌԱՋԻՆ ՀԱՆՐԱՊԵՏՈՒԹՅԱՆ ՕՐՎԱՆ (+Տեսանյութ)
Մայիսի 23-ին Ա. Բաբաջանյանի անվան պետական երաժշտամանկավարժական քոլեջի մեծ դահլիճում կայացավ տոնական համերգ` նվիրված Հայաստանի առաջին հանրապետության օրվան: Ողջ երեկո բեմում էր քոլեջի երգչախումբը (գեղարվեստական ղեկավար Նունե Մելիքսեթյան) եւ Վերածնունդ (Renaissance) կամերային նվագախումբը (գեղարվեստական ղեկավար` ՀՀ վաստակավոր գործիչ Ռուբեն Ասատրյան): Համերգի ընթացքում հնչեցին հայ եւ արեւմտաեւրոպական կոմպոզիտորների ստեղծագործություններ: Երեկոյի մենակատարներն էին` Աննա Մուսայելյանը, ուսանողներ` Ա. Հարությունյանը, Ն. Գեւորգյանն ու Ա. Մամիկոնյանը:
«Կարծում եմ` համերգը ծառայեց իր նպատակին: Հանդիսատեսը
չափազանց գոհ էր»,- «Իրավունքի» հետ զրույցում ընդգծեց քոլեջի տնօրեն ԱՐՄԵՆ ՀԱՐՈՒԹՅՈՒՆՅԱՆԸ` հավելելով, որ մեր հանրապետությունը պետք է գոյատեւի նման տաղանդավոր երեխաների շնորհիվ (զրույցը ամբողջությամբ՝ տեսանյութում):
Երեւանի Կոմիտասի անվան պետական կոնսերվատորիայի վոկալ-տեսական ֆակուլտետի դեկան ԴԱՎԻԹ ՂԱԶԱՐՅԱՆՆԷլ`շնորհավորելով քոլեջի սաներին հետեւյալն ասաց. «Սա կարեւոր միջոցառում էր Ա. Բաբաջանյանի անվան քոլեջի համար: Ուսումնական տարվա ավարտը նշանավորվեց նման գեղեցիկ համերգով`նվիրված Հայաստանի առաջին հանրապետության օրվան: Հիանալի երգչախումբ, հրավիրված նվագախումբ... Շնորհակալ եմ շատ, որ այս երեկոյի հյուրն էի»:
Նյութը, լուսանկարները եւ տեսանյութը`Վ. ՄՈՒՐԱԴՅԱՆԻ
1
8757 դիտում
2
2244 դիտում
3
2102 դիտում
4
2034 դիտում
5
1935 դիտում
