ՙՑԱՆԿԱՑԱԾ ԾՐԱԳԻՐ, ԵԹԵ ՑԱՆԿԱՆԱՆՔ« ՔՆՆԱԴԱՏԵԼՈՒ ՏԵՂԵՐ ԿԳՏՆԵՆՔ՚

ՙՑԱՆԿԱՑԱԾ ԾՐԱԳԻՐ, ԵԹԵ ՑԱՆԿԱՆԱՆՔ« ՔՆՆԱԴԱՏԵԼՈՒ ՏԵՂԵՐ ԿԳՏՆԵՆՔ՚

Երեկ եւս կառավարության գործունեության ծրագիրը խորհրդարանում բուռն քննարկումների թեմա դարձավ: Քննադատության հիմնական դրվագներից մեկն էլ այն էր, թե գործող եւ նախկին կառավարության ծրագրերը կրկնում են իրար: Այդ խնդիրը ԱԺ ՀՀԿ խմբակցության պատգամավոր ՍԱՄՎԵԼ ՆԻԿՈՅԱՆԸ մեկնաբանում է այսպես.
-Երկու ծրագրերի հիմքն էլ նույն է: Դրանց բազիսը ՀՀ նախագահի եւ ՀՀԿ-ի նախընտրական ծրագիրն է, եւ այդ առումով` նախորդ եւ ներկայիս կառավարության ծրագրերը գլոբալ առումով իրարից չեն էլ կարող տարբերվել: Բայց երբ ավելի խորն ես ուսումնասիրում ներկայիս կառավարության ոչ միայն ծրագիրը, այլ նաեւ ծրագրի մատուցման ձեւն ու քննարկումների բնույթը, ապա այստեղ առանձնանում են կատարողականի վրա արված շեշտադրումները:

Նախորդ ծրագիրը եւս` իր ապագային միտվածությամբ, բիզնես դաշտի բարելավման դրույթներով եւ այլն, դրական էր: Բայց այստեղ շեշտը ավելի շատ դրվում է կատարողականության խնդրի վրա: Եթե այդ երկու մոտեցումները համատեղվեն, կարծում եմ, որ մենք կարող ենք արդյունքներ գրանցել:
- Բայց մեկ է, քննադատությունները կան:
- Որեւէ կառավարություն վատ ծրագիր չի ներկայացնում, բոլոր ծրագրերն էլ լավատեսական են, բոլորն էլ իրենց հիմքում պարունակում են հանրությանը, ժողովրդին, պետության առաջընթացին միտված քայլեր: Եվ ցանկացած ծրագիր, եթե ցանկանանք քննադատել, անպայման քննադատելու տեղեր կգտնենք, որովհետեւ միշտ էլ կարող են ասելª այ դուք նախատեսել եք նման չափանիշներ, ինչո±ւ կրկնապատիկը չեք արել: Բայց մեծ տոկոսներ նախատեսելու դեպքում էլ, կարող է քննադատվել, թե` դա իրատեսական չէ...
Յուարաքանչյուր կառավարության ծրագրի ամենահիմնական մասը տնտեսությունն է: Կառավարության ծրագրի հիմքում ընկած է փոքր, միջին, ինչու չէª նաեւ խոշոր բիզնեսը, ընդհանուր առմամբ տնտեսությունը, որն ամեն ինչի շարժիչ ուժն է: Դա հասկանալի էª յուրաքանչյուր կառավարություն պարտավոր է իր ծրագրում մեծ ուշադրություն դարձնել այն տնտեսական բազային, որի  հիման վրա պետք է ձեւավորվի բյուջեն:
ԱԺ ՀՅԴ խմբակցության պատգամավոր ԱՐԾՎԻԿ ՄԻՆԱՍՅԱՆՆ էլ, չնայած նախորդ կառավարության ծրագրի հետ համեմատած` դրական փոփոխություններ տեսնում է, բայց հետեւյալ մտքին է.
- Փոփոխություններ միանշանակ կան, բայց, միեւնույն է, այս ծրագիրը բավարար չէ երկրի առջեւ ծառացած սոցիալ-տնտեսական մարտահրավերները հաղթահարելու համար: Վերցված են փոքր տնտեսական թիրախները, որոնք իրականացվող են: Այսինքնª ծրագիրը կիրականացվի, խնդիր չկա: Խնդիրն այն է, թե արդյոք այս ծրագրի իրականացումը բավարա±ր է` ՀՀ քաղաքացու բարեկեցիկ կյանքի, երկրի թռիչքաձեւ զարգացման համար: Իհարկեª ոչ: Ոչ միայն դրված թիրախների խիստ ցածր լինելու առումով, այլ նաեւ իրականացման մեխանիզմների տեսակետից: Մի բան հստակ է, քանի դեռ իշխանությունը մտածում է, որ միայն ինքը իր ուժերով կարող է երկիրն այս վիճակից դուրս բերել, հնարավոր չէ իրավիճակը արմատապես փոխել: Ներքին համախմբվածությունը, համերաշխությունը եւ խնդիրները համատեղ լուծելու անկեղծ ցանկությունը միայն կարող է ցանկացած ծրագիր կյանքի կոչել: Տիգրան Սարգսյանի կառավարության ամենամեծ պրոբլեմը հենց սա էր. թեեւ հավակնոտ ծրագրեր էին, բայց կարող էին կյանքի կոչվել` միայն եթե ներքին համախմբվածությունը կարողանար ապահովել: Բայց, ինչպես տեսնում եք, չկարողացավ, որովհետեւ մերժում էր ամեն ինչ: Այս կառավարությունը ծրագրային մակարդակում չի դրել այդ մոտեցումը, իսկ վարչապետը հայտարարում է համերաշխության, հանդուրժողականության մասին: Բայց եթե ծրագրային մեխանիզմներ չկան, ապա ստացվում է, որ կառավարությունը կարող է թեկուզ նվազ ցուցանիշներ գրել, բայց հնարավոր է, որ ինքն էլ հանդիպի նման ձախողումների:
Ամեն դեպքում, աճ կունենանք, բայց այդ աճը բավարար չէ, որպեսզի արտագաղթի տեմպերը կտրուկ նվազեն, որ ՀՀ քաղաքացին իր ապագայի նկատմամբ վստահ լինի, արդարադատության համակարգը ապահովի քաղաքացու շահը եւ այլն: Ուզում եմ ասել, որ, բնականաբար, այս ծրագրով նախատեսված 5տոկոսը շատ ավելի լավ է, քան եղած 3 տոկոս տնտեսական աճը: Բնական է, որ դրական քայլ է` այսօրվա հետ համեմատած, բայց եթե մեզ անհրաժեշտ է 50 տոկոս աղքատության կրճատում` տասը տոկոսը դրա հետ համեմատած` շատ փոքր է:

ԻԼՈՆԱ ԱԶԱՐՅԱՆ