ԿՆԵՐԿԱՅԱՑՎԵՆ ՍՏՈՄԱՏՈԼՈԳԻԱՅԻ ԵՎ ԴԻՄԱԾՆՈՏԱՅԻՆ ՎԻՐԱԲՈՒԺՈՒԹՅԱՆ ԱՐԴԻ ԽՆԴԻՐՆԵՐԸ

ԿՆԵՐԿԱՅԱՑՎԵՆ ՍՏՈՄԱՏՈԼՈԳԻԱՅԻ ԵՎ ԴԻՄԱԾՆՈՏԱՅԻՆ ՎԻՐԱԲՈՒԺՈՒԹՅԱՆ ԱՐԴԻ ԽՆԴԻՐՆԵՐԸ

Այսօր Երևանի Մ. Հերացու անվան պետական բժշկական համալսարանում իր աշխատանքն է սկսել մայիսի 22-24-ը «Ստոմատոլոգիայի և դիմածնոտային վիրաբուժության արդի խնդիրները» խորագրով չորրորդ միջազգային վեհաժողովը, որի կազմակերպիչն է «Ստոմատոլոգիական կրթություն և գիտություն ասոցիացիան» և Մ. Հերացու անվան պետական բժշկական համալսարանը: «Իրավունքի» հետ զրույցում բ.գ.թ., դոցենտ, ՍԿԳԱ նախագահ,
ԵՊԲՀ ստոմատոլոգիական ֆակուլտետի դեկան, ՀՀ ԱՆ գլխավոր ստոմատոլոգ, Ստոմատոլոգների միջազգային ակադեմիայի անդամ ԼԱԶԱՐ ԵՍԱՅԱՆՆ ասաց, որ վեհաժողովին մասնակցում է շուրջ 1000 բժիշկ-ստոմատոլոգներ, կլինիկական օրդինատորներ և ուսանողներ՝ Երևան քաղաքից, ՀՀ մարզերից, հյուրեր արտասահմանից: Վեհաժողովի շրջանակներում, Լ. Եսայանի փոխանցմամբ՝  կկազմակերպվի ստոմատոլոգիայում կիրառվող դեղերի, նյութերի, գործիքների և սարքավորումների ցուցահանդես, կանցկացվի նաև ձեռքի հմտության դասընթացներ:
«Վեհաժողովի ընթացքում կներկայացվեն զեկուցումներ տեսական և գործնական ստոմատոլոգիայի, դիմածնոտային վիրաբուժության, ինչպես նաև նորագույն տեխնոլոգիաների վերաբերյալ: Վեհաժողվի աշխատանքը կնպաստի գիտագործնական կապերի ամրապնդմանը և նոր համագործակցությունների ստեղծմանը», - ընդգծեց Լ. Եսայանը:

Նյութը և լուսանկարները՝ Վ.ՄՈՒՐԱԴՅԱՆԻ