ՀԱՅ ՁՅՈՒԴՈԻՍՏՆԵՐԸ ՄԻՋԱԶԳԱՅԻՆ ՀԱՐԹԱԿՈՒՄ

ՀԱՅ ՁՅՈՒԴՈԻՍՏՆԵՐԸ
ՄԻՋԱԶԳԱՅԻՆ ՀԱՐԹԱԿՈՒՄ

Ձյուդոյի Եվրոպայի առաջնությունից հետո, որտեղ հայ ձյուդոիստները հանդես էին եկել սպսվածից ավելի թույլ, Հայաստանի ձյուդոյի հավաքականի գլխավոր մարզիչ Տիգրան Բաբայանը ՙԻրավունքի՚ հետ զրույցում հույս էր հայտնել, որ տղաները իրենց լավ կկարողանան դրսեւորել հաջորդիվ սպասվող միջազգային մրցաշարերում. ՙԹիմերը պետք է մասնակցեն երկու միջազգային մրցաշարի: Թեեւ թիմերից մեկի կազմում գրեթե 99%-ը երիտասարդներից մեծահասակներ տեղափոխված տղաներ են, բայց մեդալների սպասելիքներ ունեմ՚:
Գլխավոր թիմը մայիսի 21-ից 22-ը Օրենբուրգում պետք է մասնակցեր տղամարդկանց ձյուդոյի Եվրոպայի գավաթի խաղարկությանը, սակայն տեխնիկական պատճառներով թիմը Օրենբուրգ չի մեկնել:

Փոխարենը, այս օրերին առաջատար ձյուդոիստները պատրաստվում են մայիսի 28-ից 29-ը Մոսկվայում կայանալիք ՙՄեծ սաղավարտ՚ հեղինակավոր մրցաշարքի 2-րդ փուլի մրցաշարին, որին մասնակցելու են 62 երկրի 526 մարզիկներ: Այս կարեւոր ստուգատեսում, որը նաեւ օլիմպիական վարկանիշային մրցաշար է համարվում, ՀՀ ընտրանու գլխավոր մարզիչ, ռումինացի Անդրիան Կրիոտարուի եւ Արթուր Գեւորգյանի ղեկավարությամբ հանդես կգան Հովհաննես Դավթյանն ու Գոռ Հարությունյանը` երկուսն էլ 60 կգ, 66 կգ քաշային Արմեն Նազարյանը, 73 կգ քաշային Արտյոմ Բաղդասարյանը, ինչպես նաեւ 48 կգ քաշային Գայանե Հարությունյանը:
Իսկ ահա Լիտվայի Կաունաս քաղաքում կայացած երիտասարդների ձյուդոյի Եվրոպայի գավաթի խաղարկությունում, որին 22 երկրի 330 մարզիկ էր մասնակցում Հայաստանը ներկայացնող մարզիկները երկու մեդալ են նվաճել: Այսպեսª 55 կգ քաշային կարգում Վահագն Հովսեփյանը դարձել է բրոնզե մեդալակիր: Երրորդ տեղի համար պայքարում նա պարտության է մատնել Լիտվայի ներկայացուցիչ Մատաս Կուչինսկասին: Գերազանց հանդես է եկել 66 կգ քաշային Արսեն Ղազարյանը, ով 40 ձյուդոյիստների պայքարում լավագույնն է ճանաչվել: Արսեն Ղազարյանը 6 հաղթանակ է տարելª Լիտվայի, Ֆինլանդիայի, Նորվեգիայի, Ուկրաինայի 2 ներկայացուցիչների, իսկ եզրափակչում էլª Բելառուսի պատվիրակ Դմիտրի Մինկովի նկատմամբ ու հռչակվել Եվրոպայի գավաթակիր: 60 կգ քաշային կարգում էլ ելույթ ունեցավ Հովհաննես Ալեքսանյանը, ով 24 մասնակիցների մեջ զբաղեցրեց 7-րդ տեղը:

ՔՐԻՍՏԻՆԵ ՊԵՏՐՈՍՅԱՆ