ԹԱՆԳԱՐԱՆՆԵՐՆ ԱՆՀԱՍԱՆԵԼԻ ԵՆ ԵՂԵԼ ՀԱՇՄԱՆԴԱՄՆԵՐԻՆ

ԹԱՆԳԱՐԱՆՆԵՐՆ ԱՆՀԱՍԱՆԵԼԻ ԵՆ ԵՂԵԼ
ՀԱՇՄԱՆԴԱՄՆԵՐԻՆ

Շաբաթ օրը Հայաստանի շուրջ 100 թանգարաններում անցկացվեց ՙԹանգարանային գիշեր՚ համաեվրոպական միջոցառումը: Այս տարի 10-րդ հոբելյանական ծրագիրը կրում էր ՙԹանգարանները միավորում են մեզ՚ խորագիրը: Սակայն, գործող գրեթե ոչ մի թանգարանի մուտքի մոտ այդպես էլ չնկատեցինք հաշմանդամների համար նախատեսված թեքահարթակներ: Այն, որ հաշմանդամները գրեթե միշտ անտեսված են եղել եւ հասարակական վայրերում մուտք գործելու համար անհարմարությունների առաջ են կանգնել, նորություն չէ: Բայց կարելի է ասել` վերջին շրջանում նրանք սկսել են պայքարել իրենց իրավունքների համար: Դրա վառ ապացույցն էլ, երեկ ՙՀաշմանդամություն ունեցող անձանց շահերի պաշտպանության ազգային դաշինք՚ իրավաբանական անձանց միության կողմից ՀՀ մշակույթի նախարար Հասմիկ Պողոսյանին ուղղված բաց նամակն է, որում մասնավորապես վերջիններս նշել են, որ ՙԹանգարանները միավորում են մեզ՚ խորագրով այս տարվա ՙԹանգարանային գիշերն՚ անտեսանելի են եղել հաշմանդամություն ունեցողների համար. ՙԵթե Հայաստանի եւ Արցախի 100 թանգարաններից առնվազն 5-ը կարող են իրենց դռները բացել նաեւ հաշմանդամություն ունեցող թանգարանասերների համար, ապա ինչպես կարող եք համարել, որ թանգարանները միավորում են մեզ, թե± ՙմեզ՚ ասելով` ամենեւին էլ նկատի չունեք այն 190.000 քաղաքացիներին, որոնց կարիքներին չեն համապատասխանում մշակութային օջախները՚,- ասված է բաց նամակում:
Ինչեւէ, թանգարանները միակը չեն, որ անհաս բարձունք են համարվում հաշմանդամների համար, մեր երկրում դեռ շատ կան հաստատություններ, որտեղ հաշմանդամը կամ զրկված է մտնելու, կամ էլ` բարի մարդկանց օգնությամբ, բազմաթիվ խոչընդոտներ հաղթահարելով է մուտք գործում, էլ չենք խոսում կրթական հաստատությունների մասին: Ուստի ժամանակն է գիտակցելու, որ յուրաքանչյուր ոք հավասար է եւ ունի նաեւ մշակութային կյանքին ներգրավվածության իրավունք:

Կույտը մշակեց ԼԻԼԻԹ ԵՂԻԱԶԱՐՅԱՆԸ