Գ. Սունդուկյանի անվան ազգային ակադեմիական թատրոնի բեմում առաջին անգամ հայկական չորս ազգագրական խմբեր հանդես եկան` ՙՊանծրցանք մենք սարեր՚ խորագրի ներքո: Համերգը նվիրվեց մայիսյան բոլոր տոներին` ընդգրկելով նաեւ Համբարձման տոնը, քանի որ այն եւս այս տարի նշվում է մայիսին:
ՙՄեր առաջին նպատակը միասնականության ձեւը ներկայացնելն է, եթե քարոզում ենք միասնականություն, ապա միասնություն է պետք` այդ ամենը ցույց տալու համար: Դրա համար ինչ-որ տեղից պիտի սկսենք` ցույց տալով դեպի միասնություն գնացող ճանապարհը՚,- նշում է ՙՆուբար՚ ազգագրական խմբի ղեկավար ԼՈՒՍԻՆԵ ՆԱԶԱՐՅԱՆԸ: Ըստ նրա` տեղեկատվության պակասից է, որ մարդիկ սկսել են ռաբիս երաժշտություն լսել, քանի որ տարբեր վայրերում այն պրոպագանդվում է: Իսկ ազգային երգն ու երաժշտությունը քիչ տարածելու պատճառով` քիչ մարդկանց է հայտնի ու սիրելի դառնում ազգային երգը: Սա մեծ սխալ եւ բացթողում է, ինչը շտկելու համար Լուսինե Նազարյանի խոսքով` անհրաժեշտ է, որպեսզի իրենք ստանան աջակցություն` նման համերգներ հաճախ անցկացնելու համար: Ազգագրական երգերն ու միասնական համերգները մարզեր հասցնելու խնդիրը կազմակերպիչները համարում են իրենց գերագույն խնդիրը, որովհետեւ ամեն ինչ կենտրոնացված է Երեւանում: Այս առումով` մարզերի բնակիչներն անտեսված են: Նրանք մեծ ցանկություն ունեն ազգային երգը հասցնել նաեւ Ջավախք եւ Արցախ` հատկապես սահմանամերձ շրջաններ, որոնք այսօր ապահովում են բոլորի խաղաղությունը:
1
8884 դիտում
2
2244 դիտում
3
2116 դիտում
4
2040 դիտում
5
1935 դիտում
