ՙՙԱԴՐԲԵՋԱՆՑԻ ՀԵՐԹԱԿԱՆ ՄԱՐԴԱՍՊԱՆԸ

ԱԴՐԲԵՋԱՆՑԻ ՀԵՐԹԱԿԱՆ ՄԱՐԴԱՍՊԱՆԸ

Օրհան Զեյնալովից հետո, որն ամիսներ առաջ Մոսկվայում սպանեց Եգոր Շչերբակովին, հերթական ադրբեջանցին է հայտնվել հանրային զայրույթի կենտրոնում: Այս մեկն էլª Մաարիֆ Մամեդովը, Յուգրա քաղաքում դաժանաբար սպանել է նախկին ընկերուհունª Յուլյա Պախտեուային: Քաղաքի բնակչության զայրույթն այս անգամ այն աստիճանի բուռն էր, որ պահանջել են հրապարակայնորեն մահապատժի ենթարկել Մամեդովին, եւ ոստիկանությանը մի կերպ է հաջողվել նրան ձերբակալել ու կյանքը փրկել: Եվ արդյունքումª բնակչության զայրույթի թիրախում արդեն ոչ միայն այս մարդասպանն է, այլ նաեւ տեղի բոլոր ադրբեջանցիները, որոնց պահանջում են վտարել, էլ չասած, որ քիչ չեն նաեւ հաշվեհարդարի մասին կոչերը:


ՙՄԱՆԿԱԿԱՆ՚ ՀԵՐՈԻՆ

Մոսկվայի նարկոոստիկանները ձերբակալել են նարկոբանդայի երկու տաջիկ անդամի, հարուցվել է քրեական գործ, եւ առաջադրված մեղադրանքի սահմաններում բռնված հանցագործներին սպառնում է մինչեւ 20 տարի ազատազրկում: Սակայն այս հանցագործության ամբողջական ու իրական բացահայտումը ենթադրում է նարկոբանդայի գործունեության վերջնական վերացումը: Այդ գործունեության ծավալի ու թափի մասին վկայում է այն փաստը, որ բանդայի այդ 2 անդամների մոտ հայտնաբերվել էր 2,5 կիլոգրամ հերոինª թաքցրած մանկական սննդի մեջ:


ՊԱՏԺԵԼ, ԹԵ ՉՊԱՏԺԵԼ

Ինչպես է այրվում խորթ հայրը: Այս հարցի պատասխանը ստանալու նպատակով, Վոլգոգրադի 41-ամյա քաղաքացին 2 շիշ ացետոն էր լցրել իր խորթ հոր վրա եւ հրդեհել: 66-ամյա տղամարդը ծանր վիճակում տեղափոխվել էր հիվանդանոցª ոտքերի ծանր այրվածքով:
Տուժածի բուժումով չզբաղված բժշկական ոլորտի մասնագետները համարել էին, որ հանցագործությունը կատարել է առողջական լուրջ խնդիրներ ունեցող անձի հետ, իսկ առողջական խնդիրները առաջացել են ալկոհոլի երկարատեւ չարաշահման հետեւանքով: Ոստիկանները կարծես թե համաձայն են հանցագործության կատարման պատճառի այդպիսի եզրակացությամբ. նրանք դեռ քննարկում են քրեական գործ հարուցելու-չհարուցելու հարցը...

Ա. ԱԲԳԱՐՅԱՆ