ՙՙԳՈՐԾԱՐԱՐ ԼԻՆԵԼԸ ՊԱՏԱՍԽԱՆԱՏՎՈՒԹՅՈՒՆԸ ԾԱՆՐԱՑՆՈՂ ՀԱՆԳԱՄԱՆՔ

ԳՈՐԾԱՐԱՐ ԼԻՆԵԼԸ
ՊԱՏԱՍԽԱՆԱՏՎՈՒԹՅՈՒՆԸ ԾԱՆՐԱՑՆՈՂ ՀԱՆԳԱՄԱՆՔ

Խնամուն ծեծելու համար ոստիկանության բաժնի հարակից տարածքը լավագույն վայրը չէ: Ըստ որոշ լրագրողների եւ քաղաքացիներիª այս դրույթը առանձնապես արդիական է այն դեպքերում, երբ ծեծողը գործարարի կին է...
Օրերս գործարար Բաղդասար Խալաթյանի կինըª Աննա Արմենակյանը, ոստիկանության Կիլիկիայի բաժնի հարեւանությամբ ծեծել էր իր հարսի ծնողներին: Դեպքի առթիվ ՙդեպքի վայրում՚ հարուցվել էր քրեական գործª ՀՀ քրեական օրենսգրքի 118-րդ (Ծեծը) հոդվածի հատկանիշներով: Աննա տատիկի վրդովմունքի եւ դրանից բխած ագրեսիայի պատճառն էր դարձել նրա 5 տարեկան Աննա-թոռնիկը: Հավանաբար, երեխան էլ հանդիսանում է այդ հակամարտության հիմնական զոհը, եւ դա այն պատճառով, որ բալիկի ծնողներըª չկարողանալով միասին կիսել ընտանեկան հացն ու ջուրը, կռվախնձոր են դարձրել երեխային: Մայրական իրավունքից կամայականորեն զրկվելու վտանգից դրդվածª մայրը ՙառեւանգել էր՚ դստրիկին եւ թաքնվել նրա հետ անհայտ վայրում: Դեպքի օրը գործարար տատիկ-պապիկը եկել էին խնամիների տուն: Ծագած վեճի արդյունքում 4 ՙծերունի ավազակները՚ հայտնվել էին բաժնում: Բացատրական աշխատանքներից հետո չորսն էլ ազատ էին արձակվել եւ դուրս գալով շենքից` կրկին սկսել էին ՙբացատրել՚ միմյանց իրավապահների բացատրածը... Աննա Արմենակյանը նորից սկսել էր վիճել հարսի ծնողների հետ, որի ընթացքում ծեծի էր ենթարկել նրանց:
Սույն լրատվությունը տարածած լրագրողը ավելորդ չէր համարել նաեւ նշել, որ. ՙՍա առաջին դեպքը չէ, երբ Բաղդասար Խալաթյանն ու իր ընտանիքը հայտնվում են ոստիկանության ուշադրության կենտրոնում: Դեռ 2007թ. մեքենաների առք ու վաճառքով զբաղվող գործարարը հողատարածքի համար վիճել էր քանդակագործ Վաչագան Մանսուրյանի կնոջ հետ եւ ծեծի ենթարկել նրան: Դեպքից անմիջապես հետո Խալաթյանը թղթեր էր ձեւակերպել` իբր թե տարածքն օգտագործելու է խաղահրապարակ կառուցելու համար: Այսօր այդ վայրում գործարարի առանձնատունն է՚: