ՙՈՒՐԲԱԹԸ ՇԱԲԱԹԻՑ ՇՈՒՏ ԵԿԱՎ

ՈՒՐԲԱԹԸ ՇԱԲԱԹԻՑ ՇՈՒՏ ԵԿԱՎ

Ինչպես հայտնի է, ի սկզբանե Գորիսի քաղաքապետի պաշտոնի համար առաջադրվել էին չորս թեկնածուներ` ՀՀԿ կուսակցության անդամներ Վաչագան Ադունցը եւ Արա Բուդաղյանը, անկուսակցական Տիգրան Կարապետյանը ու Հրայր Յոլյանը: Մինչ լրատվամիջոցներում շրջանառվում էին խոսակցություններ, որ Գորիսում թեժ ընտրապայքար է սպասվում, եւ հիմնական պայքարը ընթանալու է Վաչագան Ադունցի եւ Տիգրան Կարապետյանի միջեւ, թե° Տիգրան Կարապետյանը եւ թե° Արա Բուդաղյանը մեկը մյուսի հետեւից ինքնաբացարկ հայտնեցին: Մինչդեռ ինքնաբացարկից ժամեր առաջ, Գորիսի մեր աղբյուրների համաձայն, Տ. Կարապետյանը շատ վստահ ու վճռական էր տրամադրված` հայտարարելով, որ մինչեւ վերջ գնալու է` հաղթելու վճռականությամբ եւ նույնիսկ մտերիմ շրջապատում արդեն իսկ. ՙՔարոզարշավ էր սկսել` ներկայացնելով իր նախընտրական ծրագրերը՚:
Նշենք, որ ինքնաբացարկ հայտնած երկու թեկնածուները ընկերներ են, իսկ  Տիգրան Կարապետյանը Սյունիքի ներկայիս մարզպետ Վահե Հակոբյանի մտերիմ ընկերն է:  
Գորիսի մեր աղբյուրների փոխանցմամբ. ՙՎերջիններս հանել են իրենց թեկնածությունները, քանի որ այս օրերի ընթացքում համոզվել են, որ նրանց ձայն կտա գորիսցիների շատ-շատ տասը տոկոսը: Չնայած Կարապետյանի հետ ժողովուրդը մեծ հույսեր չէր կապում, բայց, այնուամենայնիվ, ինքաբացարկից հետո, եթե ժողովրդի որոշ մասը հավատում էր նրանց, այժմ ահավոր հիասթափված են: Այս պահի դրությամբ Գորիսի քաղաքապետի պաշտոնի ամենահավանական հավակնորդը Վաչագան Ադունցն է, քանի որ Գորիսում շատ ցածր են նաեւ Յոլյանի շանսերը՚:
Չնայածª Կարապետյանի ինքնաբացարկը որոշ աղբյուրներ բացատրում են ինչ-ինչ ներքին պայմանավորվածություններով:

ԻԼՈՆԱ ԱԶԱՐՅԱՆ