ՇՈՈՒ-ԲԻԶՆԵՍԻ ԿՈՆՉԻՏԱԶԳԻՆԵՐԸ ՆՈՒՅՆՊԵՍ ՈՏՔԻ ԵԼԱՆ

ՇՈՈՒ-ԲԻԶՆԵՍԻ
ԿՈՆՉԻՏԱԶԳԻՆԵՐԸ ՆՈՒՅՆՊԵՍ ՈՏՔԻ ԵԼԱՆ

ՙԵվրատեսիլն՚ ավարտվեց, սակայն Կոնչիտայի հետքերը դեռեւս շարունակում են մնալ հայկական լրատվական կայքերի գլխավոր հոդվածների մեջ: Մրցույթից հետո Կոնչիտայի հանդեպ հակակրանքը դեռ չէր հասցրել մարել, համենայնդեպս Հայաստանի բնակչության զգալի զանգվածի մոտից, երբ Երեւանի ավագանու ՙԲարեւ Երեւան՚ խմբակցության անդամ ՙժառանգություն՚ կուսակցության քարտուղար ՍՏՅՈՊԱ ՍԱՖԱՐՅԱՆԸ հանդես եկավ որպես հայ կոնչիտազգիների պաշտպան: Վերջին շրջանում զարմանալիորեն ՙմշակութասեր՚ դարձած Ս. Սաֆարյանի աչքերը մթնեցին, երբ իմացավ, որ ՙԵվրատեսիլում՚ հայաստանյան ժյուրիի կազմում ընդգրկված Ինգա եւ Անուշ Արշակյանները դեմ են քվեարկել Ավստրիայի ներկայացուցիչ Կոնչիտայի օգտին եւ մի բան էլ` հոգեկան հիվանդ անվանել Կոնչիտային: Սակայն Սաֆարյանի աչքերից բացի նաեւ մթագնեց վերջինիս ուղեղը եւ հայ ազգային մաքրամաքուր երաժշտության ջատագովների` Ինգա եւ Անուշ Արշակյանների հանդեպ վիրավորական խոսքերով արտահայտվեց, նույնիսկ հաշվի չառնելով, որ դիմացիններն իգական սեռի ներկայացուցիչներ են, ի դեպ, իր փոխարեն հաստատ մեկ այլ տղամարդ հաշվի կառներ գոնե այդ հանգամանքը:
Ինչեւէ, Ս. Սաֆարյանը միակը չէր, դրանից հետո զարմանալիորեն նրան միացան նաեւ Արշակյան քույրերի շատ գործընկերներ, կարելի է ասել` շոու-բիզնեսի կոնչիտազգի ներկայացուցիչներ, որոնք արդեն հասկանալի պատճառներով փորձեցին հալածել աղջիկներին, առաջ բերելով իրենց համար ՙվեհ գաղափար՚, թե իբրեւ կոնչիտազգիներն էլ մարդ են, ու Արշակյան քույրերը վիրավորել են նրանց անձը:
Ինչեւէ, ժամանակին հաճախ էին երգարվեստի կարկառուն ներկայացուցիչներն ասում, որ կգա ժամանակ ու հայկական երգարվեստը` մասնավորապես էստրադան ու շոու-բիզնեսը, կանցնեն մի մեծ մաղով, սակայն վերջին դեպքերի զարգացումներն այլ բան են ցույց տալիս, որ այդ մաղը ծակվել է ու այդ անցքից մեծ արագությամբ անցնում են նաեւ թափոններ:

Կույտը մշակեց ԼԻԼԻԹ ԵՂԻԱԶԱՐՅԱՆԸ