ՙՀԱՐՈՒՍՏՆԵՐԻ ԵՐԵԽԱՆԵՐԸ ՍԿՍԵԼ ԵՆ ԲԱՆԱԿՈՒՄ ՉԾԱՌԱՅԵԼ՚
Երեկ Ազգային ժողովում զինապարտության մասին օրենքում փոփոխություններ կատարելու մասին օրինագիծը քննարկելու ժամանակ խիստ հայտարարություններով հանդես եկավ ՀՀԿ խմբակցության պատգամավոր ՍԱՄՎԵԼ ՖԱՐՄԱՆՅԱՆԸ, որը քննադատության ենթարկեց ԿԳ նախարար Արմեն Աշոտյանի ներկայացրած փոփոխությունը:
Ս. Ֆարմանյանը հայտարարեց, որ ՙԿրթության նախարարությունը ոչ պատշաճ կերպով է անցկացնում արտասահմանյան բուհերում Հայաստանից ուսանողների գործուղելու մրցույթները՚: Բացի այդ, նա նշեց, որ ՙհարուստ մարդկանց երեխաները բանակում սկսել են չծառայել՚: Ըստ էության, ՀՀԿ-ական պատգամավորը Պաշտպանության եւ Կրթության նախարարություններին մեղադրեց կոռուպցիայի մեջ: Նշենք, որ Ս. Ֆարմանյանի ելույթի կապակցությամբ իր գոհունակությունը հայտնեց ՀԱԿ պատգամավոր Արամ Մանուկյանը, որը շնորհակալություն հայտնեց Ֆարմանյանին: Դրա փոխարեն` բավականին խիստ արձագանքեց Արմեն Աշոտյանը` հայտարարելով, որ որեւէ անգամ մրցույթների հետ կապված` որեւէ բողոք չի եղել:
1
8868 դիտում
2
2244 դիտում
3
2116 դիտում
4
2040 դիտում
5
1935 դիտում
