ԶԻՆՎՈՐԻ ՍՊԱՆՈՒԹՅԱՆ ՄԵՋ ՄԵՂԱԴՐՎՈՂ ԴԱՎԻԹԸ «ԱՆՇԱՐԺԱՑԱԾ ՊԱՌԿԱԾ Է»

ԶԻՆՎՈՐԻ ՍՊԱՆՈՒԹՅԱՆ ՄԵՋ ՄԵՂԱԴՐՎՈՂ ԴԱՎԻԹԸ «ԱՆՇԱՐԺԱՑԱԾ ՊԱՌԿԱԾ Է»

Նոյեմբերյանի զորամասում նախորդ տարի սպանված զինծառայող Լյուքս Ստեփանյանի գործով մեղադրյալ Դավիթ Խաչատրյանը, ով գտնվում է Վանաձոր քրեակատարողական հիմնարկում, շարունակում է հացադուլը,  կարել է բերանը: Այս մասին <Իրավունքի> հետ զրույցում ասաց Դավիթ Խաչատրյանի փաստաբան Երեմ Սարգսյանը:

- Արդեն ութերորդ օրն է Դավիթը հացադուլի մեջ է, եւ քիչ առաջ եղբոր հետ խոսեցի, ասաց, որ այսօր վիճակն ավելի վատ է: Անշարժացած պառկած է, խիստ սահմանափակ են շարժումները, չգիտեմ ինչ կլինի եթե այսպես շարունակվի: Նա դժգոհում է ծայրահեղ անարդար դատավարությունից, քանի որ ոչ դատախազը և ոչ էլ դատարանը փաստական ոչ մի տվյալ և ապացույց հաշվի չեն առել և անարդար դատաքննություն իրականացրել:

Հիշեցնենք, որ այս գործով մեղադրող դատախազը պահանջել էր դատարանից Դավիթ Խաչատրյանին դատապարտել 18 տարվա ազատազրկման` 104-րդ հոդվածի 2-րդ մասի 6-րդ կետով` (շատերի կյանքի համար վտանգավոր եղանակով կատարված սպանությունը) և 112-րդ հոդվածի 1-ին մասով` (դիտավորությամբ մեկ ուրիշին մարմնական վնասվածք պատճառելը կամ առողջությանն այլ ծանր վնաս պատճառելը): Սակայն Խաչատրյանն ինքը չի ընդունում իրեն առաջադրված մեղադրանքը և պնդում է, որ ինքը սպանելու մտադրություն չի ունեցել:

ԻԼՈՆԱ ԱԶԱՐՅԱՆ