ՙՄԻՇՏ ԽՈՍՈՒՄ ԵՄ` ԵՐԲ ԱՍԵԼԻՔ ՈՒՆԵՄ՚

ՙՄԻՇՏ ԽՈՍՈՒՄ ԵՄ` ԵՐԲ ԱՍԵԼԻՔ ՈՒՆԵՄ՚

Երգահան ԿԱՐԵՆ ԳՐԻԳՈՐՅԱՆԸ երկարատեւ դադարից հետո մայիսի 16-ին հանրությանը կներկայանա միանգամից երկու նորությունով: Նախ կկայանա երրորդ` ՙԼուռ անջատում՚ ձայնասկավառակի, ապա` App հավելվածի պաշտոնական շնորհանդեսը: ՙ Իրավունքի՚ հետ զրույցում Կարենը բացատրեց, թե ինչ է իրենից ներկայացնում պաշտոնական հավելվածը, ապա պատմեց թողարկվելիք ձայնասկավառակի մասին.
- Հավելված կամ App ասվածը ծրագիր է սմարթֆոնների համար: Այն հիմնականում հայտնի դարձավ շնորհիվ ամերիկյան Apple կազմակերպության: Iphone բջջային հեռախոսներից օգտվողները կարող են տարատեսակ հավելվածներ ներբեռնել իրենց հեռախոսներ: Հարցը մի փոքր ինտերնետային տեխնոլոգիաների ոլորտին է վերաբերում: Իրականում Հայաստանում նորություն չէ, արդեն կան հայկական բազմաթիվ հավելվածներ, որոնք նորագույն տեխնոլոգիաների զարգացման այս դարաշրջանում գրավել են բոլոր բնագավառները եւ հետեւաբար, ես նույնպես չէի կարող զերծ մնալ այս տեսակ զարգացումներից: Այսօր մեծ ուրախությամբ ներկայացնում եմ իմ պաշտոնական հավելվածը, որն իր տեսակով շատ հաջող եւ պրոֆեսիոնալ ծրագիր է` շնորհիվ ծրագրավորող Վահան Հարությունյանի: Արդեն իսկ հայկական վիրտուալ շուկայում եղած այս տեսակ App-երից Kavin Grig հավելվածը միանշանակ տարբերվում է թե° իր հարմարավետությամբ, թե° ձեւավորմամբ եւ թե° այլ հնարավորություններով:
- Գրեթե 3 տարի ձայնասկավառակի եւ համերգային ծրագրի տեսքով դադարել էիք գործունեություն ծավալել, ի±նչն էր պատճառը:
- Դադարի համար կային տարբեր պատճառներ, նախ` իմ երկարատեւ բացակայությունը Հայաստանից, ապա նաեւ` այլ տարատեսակ եւ բազմաթիվ պատճառներ: Կարծում եմ` այս դադարն ինձ համար շատ օգտակար էր, ես չեմ շտապում եւ միշտ խոսում եմ` երբ ասելիք ունեմ:

ԼԻԼԻԹ ԵՂԻԱԶԱՐՅԱՆ