Օրերս հերթական ինքնասպանության դեպքն է գրանցվել Կոտայքի մարզի Լեռնանիստ գյուղում: Գոմում կախվելու միջոցով ինքնասպանություն է գործել Հրազդան քաղաքից տատիկին եւ պապիկին հյուր եկած 14-ամյա Մագդան: Այս մասին մեզ հետ զրույցում ասաց Լեռնանիստ գյուղի գյուղապետ Ա. Հայրապետյանը` նշելով, որ աղջկա ինքնասպանության պատճառները դեռ հայտնի չեն:
-Երեխան հաճախակի էր գալիս մորական տատիկ-պապիկի տուն: Շատ աշխույժ, անմիջական աղջիկ էր: Ծողները մոտ երկու ամիս առաջ մեկնել էին Ռուսաստանª աշխատելու, եւ Մագդան ու իր եղբայրը ապրում էին հորական տատիկի հետ: Աղջիկը շատ կապված էր մորական կողմի հետ, ամեն շաբաթ-կիրակի գալիս էր մորական տատիկի տուն: Այդ օրն էլ, ասում են, շատ աշխույժ ու ուրախ է եղել: Տատը տեսել է, որ երեխան որոշ ժամանակ չի երեւում, ու սկսել է փնտրել: Երկար ման գալուց հետո Մագդային գտել է գոմումª կախված վիճակում. աղջիկն էլեկտրական լարն օգտագործելով` ինքնասպանության է դիմել: Դեպքը տեղի է ունեցել երեկոյան ժամը 4-ի կողմերը: Տատիկի բղավոցից մի քանի վայրկյան հետո ամբողջ գյուղը դեպքի վայրում էր: Նշենք, որ ըստ շրջանառվող խոսակցությունների` աղջկա վրա ազդեցություն են գործել Էմոները: Կատարվածի պատճառները պարզելու համար նաեւ ուսումնասիրում են նրա ՙՕդնոկլասսնիկի՚ էջը, տանն են խուզարկություն կատարել: Թե որքանով են շրջանառվող խոսակցությունները համապատասխանում իրականությանը, կպարզեն իրավապահ մարմինները: Իսկ մինչ այդ, կատարվում է հետաքննություն: ԻԼՈՆԱ ԱԶԱՐՅԱՆ
1
9229 դիտում
2
2244 դիտում
3
2146 դիտում
4
2062 դիտում
5
1936 դիտում
