ՙ«ԴԵՍՊԱՆԱՏՈՒՆԸ, ԴԺԲԱԽՏԱԲԱՐ, ՆՐԱՆՑ ԳԻՏԱԿՑՈՒԹՅԱՆ ՎՐԱ ԱԶԴԵԼՈՒ ԼԾԱԿՆԵՐ ՉՈՒՆԻ»
Արխիվ 12-16
«ԴԵՍՊԱՆԱՏՈՒՆԸ, ԴԺԲԱԽՏԱԲԱՐ, ՆՐԱՆՑ ԳԻՏԱԿՑՈՒԹՅԱՆ ՎՐԱ
ԱԶԴԵԼՈՒ ԼԾԱԿՆԵՐ ՉՈՒՆԻ»
Ուկրաինայի Մարիուպոլ քաղաքում օրերս տեղի ունեցած բախումների ժամանակ սպանվել է Գառնիկ Արզումանյանը: Ըստ մամուլում տարածված տեղեկատվության` 45-50 տարեկան հայ տղամարդը քաշքշուկների մեջ է ընկել, եւ նրա գլխին հարվածել են, որի հետեւանքով մահացել է: Դեպքի վերաբերյալ «Իրավունքը» փորձեց մանրամասներ պարզել Ուկրաինայում ՀՀ արտակարգ եւ լիազոր դեսպան ԱՆԴՐԱՆԻԿ ՄԱՆՈՒԿՅԱՆԻՑ.
-Այս պահին մենք դեռ ճշտում ենք փաստերն ու հանգամանքները:
- Պարոն Մանուկյան, հայաստանյան մամուլում կա տեղեկատվություն, որ Գ. Արզումանյանը ՀՀ քաղաքացի է եղել:
- Մենք այդ տեղեկատվությունը ստացել ենք, հիմա ճշտում ենք մանրամասները:
- Իսկ ի՞նչ քայլեր է ձեռնարկում դեսպանատունը, որպեսզի հայերը չհայտնվեն նման դեպքերի կիզակետում:
- Ուկրաինայում ապրում է շուրջ կես միլիոնից ավել հայ: Իհարկե, բոլոր հայերին մենք կոչ ենք անում, որ չխառնվեն եւ զերծ մնան նման հարցերից: Ապրում են, թող ապրեն: Բայց ամեն մարդ ունի իր քաղաքական հայացքները, իր դիրքորոշումը, եւ դեսպանատունը, դժբախտաբար, նրանց գիտակցության վրա ազդելու լծակներ չունի: Մարդիկ, ովքեր լսում են, նորմալ է լինում, իսկ մարդիկ, ովքեր ունեն իրենց կողմնորոշումը եւ հարցի վերաբերյալ իրենց դիրքորոշումը, շարժվում են այնպես, ինչպես կամենում են: Նրանց վրա որեւէ մեկը բռնանալու կամ ազդելու իրավունք չունի:
ՀՐԱՆՏ ՍԱՐԱՖՅԱՆ
1
9166 դիտում
2
2244 դիտում
3
2129 դիտում
4
2045 դիտում
5
1936 դիտում
