ՙԿՅԱՆՔԻ ԽՈՍՔ՚ ԱՂԱՆԴԱՎՈՐԱԿԱՆ ՇԱՐԺՈՒՄԸ ԺԽՏՈՒՄ Է ԻՆՔՆ ԻՐԵՆ

ՙԿՅԱՆՔԻ ԽՈՍՔ՚ ԱՂԱՆԴԱՎՈՐԱԿԱՆ ՇԱՐԺՈՒՄԸ ԺԽՏՈՒՄ Է ԻՆՔՆ ԻՐԵՆ

Գաղտնիք չէր բացահայտում ՙԻրավունք՚ թերթը, երբ ժամանակին գրում էր, որ Անժելա Սարգսյանը ՙԿյանքի խոսք՚ աղանդի հետեւորդ է: Այն, որ նա աղանդավորական այդ կառույցի հետեւորդ է, բարձրաձայնեցին գրեթե բոլոր լրատվամիջոցները, ինչը կարծես թե այդքան էլ ՙԿյանքի խոսքի՚ ՙպարագլուխների՚ սրտով չէր, եւ վերջիններս հայց ներկայացրին դատարան` ընդդեմ ՙԻրավունք՚ թերթի: Նպատակը մեկն էր` ամեն կերպ ժխտել Անժելա Սարգսյանի կապը աղանդավորական կառույցի հետ: Ապացուցված փաստը հաստատվեց եւս մեկ անգամ` Անժելա Սարգսյանը աղանդավորական շարժման հետեւորդ էր, եւ հայաստանյան երեք դատական ատյաններում էլ, ՙԻրավունքը՚ շահեց դատը:
Չդիմանալով ճշմարտությանը` ՙԿյանք խոսքը՚ պարտության դրոշակ պարզած հայտնվեց միջազգային դատական ատյաններում` հույս ունենալով գոնե այնտեղ կարողանալ հերքել հաստատված փաստերը: Հարկ է նշել, որ հեռուստատեսային հաղորդումներից մեկի ժամանակ այդ կառույցի ներկայացուցիչներից մեկը բացահայտորեն հայտարարեց, որ Անժելա Սարգսյանն իրենց կառույցի անդամ էր, եւ հավելեց, որ այժմ նա կառույցի հետ ընդհանրապես կապ չունի: Հարց է, այժմ կապ ունի±, թե` ոչ, քանի որ, ինչպես նախկինում էին ժխտում կառույցին նրա անդամ լինելը, այնպես էլ այժմ հնարավոր է` գործում են նույն սցենարով: Ինչեւիցե, թողնենք ՙԿյանքի խոսք՚-Անժելա Սարգսյան ՙմիության՚ մասին բացահատումները, քանի որ այդ ամենը ինքնըստինքյան կբացահայտի ժամանակը: Հայաստանի երեք դատական ատյաններում հաստատված ճշմարտությունն այժմ էլ քննության է առել միջազգային դատական ատյանը, այս դեպքում` արդյո±ք ՀՀ-ն պետք է ցուցաբերի միջամտություն, թե` ոչ. ահա այս հարցով էլ ՙԻրավունքը՚ զրուցեց ՀՀ կառավարության աշխատակազմի Ազգային փոքրամասնությունների եւ կրոնի հարցերի վարչության պետ Վարդան Ասծատրյանի հետ: Նրա խոսքով` նման դատական գործընթաց Հայաստանում գրանցվել է նաեւ ՙԵհովայի վկաներ՚ աղանդավորական կառույցի հետ կապված, երբ Հայաստանում նրանց հայցը մերժվեց, նրանք դիմեցին Եվրադատարան, որտեղ էլ նրանք իրենց ՙչափանիշներով՚ բավարարեցին ՙԵհովայի վկաների՚ պահանջները. ՙՊետությունը ի±նչ կարող է անել, երբ եվրոպական բարձր դատարան կոչվածը առաջնորդվում է իր չափանիշներով: Պետությունը այստեղ կարող է մեկ բան անել` եվրոպական դատերի այդ նորմերը ճանաչել, հմտանալ, որպեսզի կարողանա պաշտպանել ճշմարտությունը: Այնտեղի մեր պաշտպանները պետք է լինեն նաեւ հմուտ միջազգայնագետներ. սա մեր շահերը պաշտպանելու ձեւերից մեկն է: Նման դպքերում անհրաժեշտ է պատրաստել լավ կադրեր` եվրոպական նորմերին ՙդիմագրավելու՚ համար՚,- նշում է Վարդան Ասծատրյանը:
Ըստ պրն Ասծատրյանի, եթե ցանկություն կա ապրել եվրոպական չափանիշներով, պետք է այդ չափանիշները յուրացնել, սակայն յուրացնել այնպես, որ երբեք չտուժի ազգային շահը, եւ հարկ եղած դեպքում կատարել անհրաժեշտ հակադարձում: ՙԱյսքան ժամանակ մտել ենք Եվրոպա` ասելով, որ արեւմտյան արժեքները մեզ համար բարձր են, այդ արժեքներից քանի± բարձր արժեք է Հայաստան մտել: Կատարվել է հակառակը` միայն ցածր արժեքներն են այնտեղից մուտք գործում Հայաստան՚,- փաստում է Վ.Ասծատրյանը:
Ցավալին այն է, որ այս մասին այս կերպ խոսում է պետության այն ներկայացուցիչը, ով առաջիններից պետք է լինի պայքարողներից մեկը` այդ ցածր արժեքները Հայաստան մուտք գործելու պարագայում: Էլ չենք ասում, որ եթե հենց կրոնի վարչության պետն արդեն չգիտի ինչպես պետության շահերը պաշտպանել միջազգային ատյաններում, սեփական երկրում վխտացող աղանդավորների պատճառով, էլ ումի±ց ինչ պահանջենք:

ԶՎԱՐԹ ԽԱՉԱՏՐՅԱՆ