ՙԲոլորը վրդովվել էին ԵԱՀԿ Մինսկի խմբի ամերիկյան համանախագահ Ջեյմս Ուորլիքի հակահայկական հայտարարությամբ`

Բոլորը վրդովվել էին ԵԱՀԿ Մինսկի խմբի ամերիկյան համանախագահ Ջեյմս Ուորլիքի հակահայկական հայտարարությամբ` արցախյան կարգավորման վերաբերյալ, որն այնուհետ երկրորդվել էր ԱՄՆ դեսպան ՋՈՆ ՀԵՖՖԵՐՆԻ կողմից: Եվ ահա ամերիկյան լկտիությունը զարմանալի նոր դրսեւորում ունեցավ` Twitter-ի`  Հայաստանում ԱՄՆ դեսպանատան միկրոբլոգում Ջեյմս Ուորլիքի` Ղարաբաղի շուրջ հայտարարությունը քննադատողներին ուղղված գրառում է հայտնվել: ՙԵրեք հնարավոր ելք կա` բանակցությունների միջոցով կարգավորում, շարունակական, անընդունելի ստատուս-քվո կամ էլ` պատերազմ: Լեռնային Ղարաբաղի համար խաղաղություն ընտրեք՚,- ասվում է հայտարարության մեջ: Սրանց տեսեք` առաջարկում են տարածք հանձնել, ակնարկելով, թե հակառակ դեպքում պատերազմ կլինի: Զարմանալով հանդերձ այդ լպիրշությունով` մնում է խորհուրդ տալ լկտի յանկիներին` եթե ուզում եք այդ տարածքները փոխանցել մազութային սուլթանատին, ապա փորձեք գալ եւ վերցնել գոնե 1 սանտիմետր մեր ազատագրված հողերից: Ավելորդ չէ հիշեցնել, որ Իրաքում ամերիկյան զորքերի ցամաքային օպերացիայի ժամանակ, երբ կանխավ ավիառումբերով եւ հրթիռներով ոչնչացված էին Իրաքի բոլոր ռազմական ենթակառուցվածքները, դասալքությունը ամերիկյան զորախմբում կազմում էր 70 տոկոս եւ ավելի: Ամերիկացիները թող սկզբում սովորեն տղամարդավարի պատերազմել, նոր միայն համարձակվեն ցուցումներ տալ, թե որ տարածքը որ երկրի կազմում պետք է լինի:
Ի դեպ, ամերիկյան լկտի միջամտության օրինակներից մեկն է նաեւ Հայաստանում Ամերիկայի ԱՌԵՎՏՐԻ ՊԱԼԱՏԻ հայտարարությունը  ՙՀայաստանի Հանրապետությունում այլընտրանքային հարկային ստուգումների մասին՚ օրենքի նախագծի վերաբերյալ. ՙՀայաստանում Ամերիկայի Առեւտրի Պալատը  hայտնում է իր խորին մտահոգությունը ՙՀայաստանի Հանրապետությունում այլընտրանքային հարկային ստուգումների մասին՚ օրենքի նախագծի վերաբերյալ: Գիտակցելով, որ օրենքի նախագծի մշակումը պայմանավորված է հարկային ստուգումների առկա ընթացակարգերի անկատարությունները շտկելու գաղափարով, այդուհանդերձ, կարծում ենք, որ առաջարկվող մոտեցումը հեռու է լավագույնը լինելուց` մասնավորապես...՚: Տվյալ պարագայում ամենեւին կարեւոր չէ` սույն ամերիկյան կառույցի ներկայացրած ՙմտահոգությունները՚ ճիշտ են, թե սխալ, պարզապես դա բացառապես մեր երկրի իշխանությունների, հանրության եւ գործարարների գործն է, իսկ ամերիկյան որեւէ կառույց իրեն չպետք է թույլ տա քիթը խոթել` անգամ, եթե դա ամենավատ օրինագիծն է: Զարմանալով հանդերձ` այդ ամերիկյան հիմնարկին հուշում ենք` օրինագծի հարցի շուրջ Երեւանի աղբարկղերը քջջող ամենավերջին բոմժը ավելի շատ իրավունքներ ունի, քան դուք, պարոնայք:
Շարունակելով ամերիկյան շահերի ու միջամտությունների թեման` ներկայացնենք մի հայտնի ամերիկամետի զարմանալի կարծիքը ՙՖԵՅՍԲՈՒՔՈՒՄ՚, որը կարելի է համարել տիպիկ լիբերաստական կարծիք. ՙԵթե Հայաստանի Հանրապետության երրորդ նախագահ Սերժ Սարգսյանը մտահոգված է Հայաստանի Հանրապետության` որպես անկախ պետության ապագայով եւ ոչ թե անձնական իշխանության ու բարեկեցության պահպանման խնդիրներով, ապա նա պետք է շատ կարճ ժամկետում ստեղծի պայմաններ Հայաստանում իրոք օրինավոր եւ ժողովրդի, քաղաքացիական հասարակության կատարյալ վստահությունը վայելող իշխանության ձեւավորման համար եւ հեռանա քաղաքականությունից: Դրանով պատասխան կտրվի թե° ռուսական նկրտումներին եւ թե° ղարաբայան հակամարտության կարգավորման ամերիկյան հիշեցումներին: Այլընտրանքը պետականության կորուստն է Ռուսաստանի Դաշնության կազմում` կիսագաղութային,կախյալ երկրի կարգավիճակով: Եվ, ի տարբերություն ԽՍՀՄ-ի, երբ, թեկուզ ձեւականորեն, առկա էր ժողովուրդների հավասարություն մեծ պետության շրջանակում, եւ Հայաստանն էլ օգտվում էր այդ մեծ տերության ռեսուրսներից, ապա այս տարբերակի դեպքում ՙկօգտվի՚ ռուսական երեք մատների կոմբինացիայից` որքան էլ այն տհաճ լինի մեզ՚: Սրանց տեսեք, քանի± եղբայր եք այդքան ՙշուստրի՚: Այդ ի±նչ ՙքաղաքացիական հասարակության՚ վստահությունը վայելող իշխանություն եք ուզում: Չէ որ ԱՄՆ նախկին դեսպան Մարի Յովանովիչը պարզ բացատրել էր, որ քաղաքացիական հասարակությունը դա հենց գրանտածիծ կազմակերպությունների հանրագումարն է: Այսինքն, սրանք ուզում են, որ Սերժ Սարգսյանը ոչ միայն հեռանա, այլեւ հեռանալիս ստեղծի ամերիկյան փողերով սնվող թափթփուկների վստահությունը վայելող իշխանություն: Սրանց ունենք մի պարզ պատասխան` հենց վերը հիշատակված ՙերեք մատների կոմբինացիան՚:

Զարմացած է  
ՀՈՎՀԱՆՆԵՍ ԳԱԼԱՋՅԱՆԸ