ԻՆՉՈ՞Ւ ԿՐԿԻՆ ԱՆՀԵՏԱՑԱՎ ՆՈՐՈՅԻ ՏԵՍԱՀՈԼՈՎԱԿԸ (ՏԵՍԱՆՅՈՒԹ)

ԻՆՉՈ՞Ւ ԿՐԿԻՆ ԱՆՀԵՏԱՑԱՎ ՆՈՐՈՅԻ ՏԵՍԱՀՈԼՈՎԱԿԸ  (ՏԵՍԱՆՅՈՒԹ)

Ամերիկաբնակ երգիչ ՆՈՐՈՅԻ` ՆՈՐՈ ԿԻՐԱԿՈՍՅԱՆԻ «Կյանքս կերել ես» երգի տեսահոլովակն արդեն երկրորդ անգամ անհետանում է երգչի յութուբյան պաշտոնական էջից: «Իրավունքի» հետ զրույցում Նորոն տեղեկացրեց, որ մեկ ամիս առաջ «Կյանքս կերել ես» տեսահոլովակն ունեցել է 270.000 դիտում, սակայն. «Ինչ-որ մարդկանց ձեռքով ջնջվեց Յյութուբից, բայց էական չէ, թե քանի դիտում կար, կարեւորն այն է, որ տեսահոլովակս սիրվեց բոլորի կողմից»:

Սակայն, Նորոն ինքն էլ չի կարողանում հասկանալ, թե որն է այդ մարդկանց նպատակը. «Պատճառ չկա, ուղղակի շատ չար կամեցող մարդիկ կան, որոնք «սպամ» են ուղարկում տեսահոլովակիս համար: Առաջին անգամ, տեսահոլովակի անհետանալու ժամանակ, 3 ժամ տեւեց, որ նամակ գրեցինք, ստուգեցին ամեն ինչ նորմալ է ու տեսահոլովակս հասանելի դարձավ համացանցում: Երկրորդ անգամ` արդեն մինչեւ 6 ամիս կարող է տեւել: Իսկ այդ «սպամը» հանելու միայն մի ձեւ կա, մի անգամ կարող ես դիմել եւ սպասել: Մեկ ամսվա ընթացքում իմ տեսահոլովակը դիտել էին 270.000 անգամ եւ շատ էր սիրվել: Կարեւորը, ամբողջ աշխարհից դիտել են եւ սիրվել այն: Հիմա կրկին վերականգնել եմ տեսահոլովակը, բայց արդեն ոչ թե ես, այլ` «Հայֆանատի» միջոցով»:

Երգիչն իր առաջիկա ստեղծագործական նորությունների ու հայաստանյան այցի մասին խոսելով, հավելեց. «Հայաստան կգամ, բայց մի քանի ամիս անց: Իսկ նորություններ կան` 2 ձայնասկավառակ եւ նոր տեսահոլովակ է նախատեսվում այս տարի: Այժմ, արդեն 11 երգ գործիքավորման փուլում է»:

ԼԻԼԻԹ ԵՂԻԱԶԱՐՅԱՆ