ԿՐՈՆԻ, ԽՂՃԻ ԱԶԱՏՈՒԹՅԱՆ ՄԱՍԻՆ ՕՐԵՆՔԻ ՆԱԽԱԳԻԾԵՐԸ ՎԵՆԵՏԻԿՈՒՄ ԿԱՄ ՔՆՈՒՄ ԵՆ, ԿԱՄ ԿԱՆԳ ԱՌՆՈՒՄ

ԿՐՈՆԻ, ԽՂՃԻ ԱԶԱՏՈՒԹՅԱՆ ՄԱՍԻՆ ՕՐԵՆՔԻ ՆԱԽԱԳԻԾԵՐԸ ՎԵՆԵՏԻԿՈՒՄ ԿԱՄ ՔՆՈՒՄ ԵՆ, ԿԱՄ ԿԱՆԳ ԱՌՆՈՒՄ

ՀՀ կառավարության աշխատակազմի Ազգային փոքրամասնությունների և կրոնի հարցերի վարչության պետ Վարդան Ասցատրյանի խոսքով`Հայաստանում աղանդավորական կառույցների նախկին աշխուժությունը այլևս չկա, օրինակ Եհովայի վկաներ աղանդավորական կառույցի ամենամյա հրապարակումները վկայում են, որ նրանց թիվը ամբողջ աշխարհում չի ավելացել, այլ ընդհակառակը` նվազել է: Այսօր Հայաստանում գրանցված է 65 կրոնական կազմկերպություն, որոնց գործունեությունը վերահսկելու համար կա օրենքի թերություն, խոսքը վերաբերվում է Խղճի ազատության և կրոնական կազմակերպություննեի մասին օրենքին, որը ընդունվել է անկախության շրջանում: Չնայած այն ենթարվել է որոշակի փոփոխությունների, այնուամենայնիվ չի արտացոլում այսօրվա իրականությունը. «Այն գործընթացները, որոնք տեղի են ունեում այսօր, նախատեսված չեն եղել օրենսդիրների կողմից և ամրագրված չեն դրանց կարգավորման ձևերը: Մենք ժամանակին բարձրացրել ենք օրենքի փոփոխության հարցը, մշակել օրենքի նախագիծ, որը Ադարադատության նախարարության կողմից ուղարկվեց նաև Վենետիկի հանձնաժողովին, վերջիններս քննադատեցին և նրանց քննադատությունը միարժեք հիմք ընդունվեց և այդ նախագիծը այդպես էլ «քնեց»:

Այնուհետև Արդարադատության նախարարությունը մշակեց նոր նախագիծը, որոշ մասով այդ օրենքը առաջադեմ էր և արտացոլում էր այսօրվա իրավիճակը,սակայն այդ օրենքն էլ գնաց Վենետիկի հանձնաժով և «կանգնեց»,-փաստեց Վարդան Ասցատրյանը և հավելեց, որ առայժմ սպասում են և ակնկալում, որ այս գարնանը անդրադարձ կկատարվի այդ նախագծին: Իսկ թե ինչո՞ւ է Վենետիկի հանձնաժողովը քննադատել օրենքի նախագծերը պրն. Ասցատրյանը նշեց. «Այն քննադատել են ելնելով մարդու եվրոպական իրավունքների և կրոնի հետ կապված իրենց չափանիշներից և պահանջներ է դնում, որոնք հիմնարար են եվրոպական միջավայրի համար և այստեղ կամ պետք է նախագիծը փոխեն ըստ այդ առաջարկի կամ էլ հիմնավորել, ինչը նշանակում է քաղաքական հարաբերություններ»:

Ըստ Ասցատրյանի կրոնական կառուցները լավ յուրացնելով օրենքը գտնում են այդ օրենքի թերի կողմերը և շրջանցում այն: Այդ թերի կողմերից մեկն էլ Հայաստանում կրոնի և խղճի մասին գործող օրենքն է: Նոր մշակած օրենքի մեջ կա կետ, որով նախատեսվում է, որ կրոնական կազմակերպությունները ապահովեն հրապարակայնություն իրենց գործունեության մեջ: Օրենքի թերթության պատճառով է, որ կրոնական մի շարք կազմակերպություններ, որպես բիզնեսի միջոց հավաքագրում են մարդկանց, նրանց դարձնում իրենց գաղափարակիցը և նրանից գումար շորթում:Այս ամենը վերահսկելու համար լծակներ են պետք, որը չկա:

ԶՎԱՐԹ ԽԱՉԱՏՐՅԱՆ