«ԿՅԱՆՔԻ ԽՈՍՔ» ԱՂԱՆԴԱՎՈՐԱԿԱՆ ՇԱՐԺՈՒՄԸ ԺԽՏՈՒՄ Է ԻՆՔՆ ԻՐԵՆ

«ԿՅԱՆՔԻ ԽՈՍՔ» ԱՂԱՆԴԱՎՈՐԱԿԱՆ ՇԱՐԺՈՒՄԸ ԺԽՏՈՒՄ Է ԻՆՔՆ ԻՐԵՆ

Գաղտնիք չէր բացահայտում «Իրավունք» թերթը , երբ ժամանակին գրում էր, որ Անժելա Սարգսյանը «Կյանքի խոսք» աղանդի հետևորդ է: Այն, որ նա աղանդավորական այդ կառույցի հետևորդ է բարձրաձայնեցին գրեթե բոլոոր լրատվամիջոցները, ինչը կարծես թե այդքան էլ «Կյանքի խոսքի» «պարագլուխների» սրտով չէր և վերջիններս հայց ներկայացրեց դատարան ընդդեմ « Իրավունք» թերթի, նպատակն մեկն էր`ամեն կերպ ժխտել Անժելա Սարգսյանի կապը աղանդավորական կառույցի հետ: Ապացուցված փաստը հաստատվեց ևս մեկ անգամ` Անժելա Սարգսյանը աղանդավորական շարժման հետևորդ էր և հայաստանյան երեք դատական ատյաններում էլ «Իրավունք»-ը շահեց դատը: Չդիմանալով ճշմարտությանը «Կյանք խոսքը» պարտության դրոշակ պարզած հայտնվեց միջազգային դատական ատյաններում հույս ունենալով գոնե այնտեղ կարողանա հերքել հաստատված փաստերը: Հարկ է նշել, որ հեռուստատեսային հաղորդումներից մեկի ժամանակ այդ կառույցի ներկայացուցիչներից մեկը բացահայտորեն հայտարարեց, որ Անժելա Սարգսյանն իրենց կառույցի անդամ էր և հավելեց, որ այժմ նա կառույցի հետ ընդհանրապես կապ չունի: Հարց է, այժմ կապ ունի՞ թե ոչ , քանի որ ինչպես նախկինում էին ժխտում կառույցին նրա անդամ լինելը, այնպես էլ այժմ հնարավոր է գործում են նույն սցենարով: Ինչևիցէ, թողնենք «Կյանքի խոսք» -Անժելա Սարգսյան «միության» մասին բացահատումները, քանի որ այդ բացահայտումները ինքստինքյան կանի ժամանակը: Հայաստանի երեք դատական ատյաններում հաստատված ճշմարտությունը այժմ էլ քննության է առել միջազգային դատական ատյանը, այս դեպքում արդյո՞ք ՀՀ պետք է ցուցաբերի միջամտություն թե ոչ , ահա այս հարցով էլ «Իրավունք» զրուցեց ՀՀ կառավարության աշխատակազմի Ազգային փոքրամասնությունների և կրոնի հարցերի վարչության պետ Վարդան Ասցատրյանի հետ: Նրա խոսքով նման դատական գործընթաց Հայստանում գրանցվել է նաև Եհովաների վկաներ աղանդավորական կառույցի հետ կապված, երբ Հայաստանում, նրանց հայցը մերժվեց, նրանք դիմեցին միջազգային դատարան, որտեղ էլ նրանք իրենց «չափանիշներով» բավարարեցին եհովայի վկաների պահանջները. «Պետությունը ի՞նչ կարող է անել, երբ եվրոպական բարձր դատարան կոչվածը առաջնորդվում է իր չափանիշներով: Պետությունը այստեղ կարող է մեկ բան անել`Եվրոպական դատերի այդ նորմերը ճանաչել, հմտանալ, որպեսզի կարողանա պաշտպանի ճշմարտությունը: Այնտեղի մեր պաշտպանները պետք է լինեն նաև հմուտ միջազգայնագետներ, սա մեր շահերը պաշտպանելու ձևերից մեկն է: Նման դպքերում անհրաժեշտ է պատրաստել լավ կադրեր Եվրոպական նորմերին «դիմագրավելու» համար»,-նշում է ՎարդանԱսցատրյանը:

Ըստ պրն. Ասցատյանի, եթե ցանկություն կա ապրել եվրոպական չափանիշներով պետք է այդ չափանիշները յուրացնել, սակայն յուրացնել այնպես, որ երբեք չտուժի ազգային շահը և հարկ եղած դեպքում կատարել անհրաժեշտ հակադարձում: «Այսքան ժամանակ մտել ենք եվրոպա ասելով, որ արևմտյան արժեքները մեզ համար բարձր են, այդ արժեքներից քանի՞ բարձր արժեք է Հայաստան մտել, կատարվել է հակառակը, միայն ցածր արժեքներն են այնտեղից մուտք գործում Հայաստան»,-փաստում է Վ.Ասցատրյանը:

Ցավալին այն է, որ այս մասին այս կերպ խոսում է պետության այն ներկայացուցիչը, ով առաջիններից պետք է լինի պայքարողներից մեկը` այդ ցածր արժեքները Հայաստան մուտք գործելու պարագայում: Էլ չենք ասում, որ եթե հենց կրոնի վարչության պետն արդեն չգիտի ինչպես պետության շահերը պաշտպանել միջազգային ատյաններում, սեփական երկրում վխտացող աղանդավորների պատճառով, էլ ումից ինչ պահանջենք:

ԶՎԱՐԹ ԽԱՉԱՏՐՅԱՆ