ՏԵՂԱԿԱՆ ՎԱՆԴԱԼԻԶՄԻ ՀԵՐԹԱԿԱՆ ԴՐՍԵՎՈՐՈՒՄԸ

ՏԵՂԱԿԱՆ ՎԱՆԴԱԼԻԶՄԻ ՀԵՐԹԱԿԱՆ ԴՐՍԵՎՈՐՈՒՄԸ

Տավուշի մարզի Վարագավան գյուղից 3,5 կմ հարավ-արեւմուտք գտնվող Նոր Վարագավանք հայկական վանական համալիրը այսօր վերանորոգվում է, սակայն եկեղեցու թե՛ հին եւ թե՛ նոր պատերի վրա կարելի է տեսնել ոչ թե 13-րդ դարի գրություններ, այլ 21-րդ դարի սեւագրություններ: Որոշ վայ հայերի ձեռքով եկեղեցու ներսի եւ դրսի պատերին փորագրված ու կավճագրված են անուններ, անբովանդակ արտահայտություններ...  Այո՛, մինչ մեր, մեղմ ասած, ոչ բարյացակամ հարեւաններին ենք մեղադրում վանդալիզմի դրսեւորումների մեջ, մեզանում այն գլուխն առած գնում է:
Հիշեցնենք, որ վանքը հիմնել է Դավիթ Բ Կյուրիկյան թագավորը 1193-1198 թթ., հետագայում համալիրն ավելի է մեծացրել թոռը` Վասակ Բ-ն` 1234-1237 թթ.: Այն սկզբից կոչվել է Անապատ:

Նոր Վարագավանք անունը ստացել է Վասպուրականի հռչակավոր Վարագավանքը մոնղոլների կողմից ավերելու պատճառով: Վարագավանքի հոգեւոր առաջնորդ Ղուկասը 1213 թ. Անապատ է տեղափոխել Վարագավանքում պահվող մասունքները, այդ թվում` Սուրբ Խաչափայտի կտորը, որ բերել էին Հռիփսիմյան կույսերը:
Իսկ մեզ մնում է հուսալ եւ հավատալ, որ վերանորոգումից հետո եկեղեցին չեն պղծի այլեւս, մինչդեռ նման իրավիճակը Հայաստանի բոլոր ծագերում էլ կա:
Հայե՛ր, բավ է ջուր լցնեք թշնամու ու աղանդների ջրաղացին, նման դրսեւորումով ոչ թե ձեր անուններն եք սրբագրում եկեղեցու Սուրբ պատերին, այլ միգուցե դեպի դժոխք ձեր ուղիղ չվերթն եք ապահովում:

Նյութը եւ լուսանկարները` ՀՐԱՆՏ ՍԱՐԱՖՅԱՆԻ