ԵՎՐԱՏԵՍԻԼՅԱՆ ՄՏԱԾՎԱԾ ՍԵՎ PR, ԹԵ ՎԱՏ ԵՐԱԶ

Արխիվ 12-16 5 Մայիս, 2014 20:00

ԵՎՐԱՏԵՍԻԼՅԱՆ ՄՏԱԾՎԱԾ ՍԵՎ PR, ԹԵ ՎԱՏ ԵՐԱԶ

Այսօր Կոպենհագենում կկայանա ՙԵվրատեսիլ-2014՚-ի առաջին կիսաեզրափակիչ փուլը եւ առաջինը ելույթ կունենա հենց Հայաստանի ներկայացուցիչ Արամ MP3-ն իր ՙNot alone՚ երգով: Չնայած, բուքմեյքերները հիմնականում խաղադրույք են կատարում հենց մեր մասնակցի` Արամ MP3-ի հաղթանակի համար, այնուամենայնիվ, քիչ չեն դեպքերը, երբ նույն այդ կանխատեսումները, մեղմ ասած, նմանվում են, ոչ ավել ոչ պակաս, սուրճի մրուրով գուշակություններին: Որի արդյունքում, միեւնույն է, հայերս 4-րդ հորիզոնականից վերեւ չենք շարժվում: Այնուամենայնիվ, նյարդային համակարգը տակնուվրա անող կանխատեսումներով չզբաղվենք` դա թողնելով գործի սիրահարներին: Օրինակ` ըստ այդ կանխատեսումների, Ռուսաստանը ներկայացնող Տոլմաչով քույրերը չունեն տասնյակը մտնելու հնարավորություն, ի տարբերություն Շվեյցարիայի ու Նորվեգիայի ներկայացուցիչների, որոնք 2-րդ եւ 3-րդ հորիզոնականներում են:
Ինչեւէ, վերադառնալով Հայաստան ու հատկապես հայկական էլեկտրոնային մամուլի տեսությանը, մի տեսակ նողկանք ես ապրում: Արդեն մի քանի օր է այն ողողված է չկողմնորոշված սեռի` այն էլ հայ երիտասարդի (որն արդեն 2 տարի է բնակվում է Գերմանիայում, ինչպես ինքն է շեշտում) տեսանյութով, որը քննադատելով մեկնաբանում է Արամ MP3-ի անգլերենը եւ կարծիք հայտնում, որ նրա նմանին ուղղակի սխալ էր ՙԵվրատեսիլ՚ ուղարկելը: Բայց, լավ կլինի, որ այդ նույն երիտասարդը Արամին քննադատելու փոխարեն, նախ հիշեր, որ անգլերենն Արամի մայրենի լեզուն չէ, եւ հետո վատ չէր լինի, որ ինքն էլ հայերեն խոսել կարողանար: Դա դեռ բավական չէ, չկողմնորոշված սեռի երիտասարդը տեսանյութում, ձեռքի հետ էլ, փնովում է հայերի ճաշակն ու Հայաստանը: Չնայած, իր նմանն արժանի չէ ո°չ Հայաստանին, ոչ էլ` առավել եւս, մայրենի լեզվին, իր անորոշ սեռով այն չպղծելու համար:
Անցնելով առաջ` նշենք, որ անհասկանալի արարածը նույնիսկ իրեն իրավունք է վերապահում հեռու Գերմանիայում, իր տաքուկ բնակարանում նստած` կարծիք թելադրել` արժանի թեկնածուներ տեսնելով Շպռօտին եւ Ջուսին, իսկ Արամ MP3-ին անվանել հոմոֆոբ: Այն դեպքում, երբ տեսանյութի տակ Հայաստանից գրված մեկնաբանություններում իրեն համասեռամոլ են անվանում, իսկ վերջինս էլ հաճույքով հաստատում է այն եւ մի բան էլ նշում, որ ուրախ է դրա համար եւ չի էլ թաքցնում այն:
Ինչեւէ, գուցե սա էլ հերթական եվրատեսիլյան մտածված սեւ PR-ի մի տեսակ է` հայաստանյան պատվիրակության կողմից, բայց եթե նույնիսկ այդպես է, ապա այն վատ երազ է հիշեցնում:

Կույտը մշակեց ԼԻԼԻԹ ԵՂԻԱԶԱՐՅԱՆԸ