Վարչապետ. «ԲՀԿ ՆԱԽԱԳԱՀԻ ԿՈՂՄԻՑ ՀԱՅՏԱՐԱՐՈՒԹՅԱՆ ԻՄԱՍՏԸ ՍԽԱԼ Է ԸՆԿԱԼՎԵԼ»

Վարչապետ. «ԲՀԿ ՆԱԽԱԳԱՀԻ ԿՈՂՄԻՑ ՀԱՅՏԱՐԱՐՈՒԹՅԱՆ ԻՄԱՍՏԸ ՍԽԱԼ Է ԸՆԿԱԼՎԵԼ»

http://www.panorama.am/am/politics/2014/05/06/gagik-carukyan/

«Եթե Գագիկ Ծառուկյանը հակադարձել է ՀՀԿ խոսնակի հայտարարությանը, ապա ցավով պետք է արձանագրվեմ, որ այդ հայտարարության իմաստը սխալ է ընկալվել»: ՀՀ վարչապետ Հովիկ Աբրահամյանն panorama.am-ի հետ զրույցում այսպես մեկնաբանեց ԲՀԿ նախագահ Գագիկ Ծառուկյանի  այն հայտարարությունը, թե առաջիկա համապետական ընտրություններում հաղթանակը այլեւս շրջանցելու է Մելիք-Ադամյան փողոցը:

“Անկեղծ ասած՝ դժվար է պատկերացնել, թե պարոն Ծառուկյանի հայտարարությունը ուղղակի հոխորտանք էր ՀՀԿ-ի հասցեին: Դժվար եմ դա պատկերացնում, հատկապես, որ յուրաքանչյուր քաղաքական ուժի խնդիրը ոչ թե այլոց քարկոծելն է, այլ սեփական ծրագրերով ու գործունեությամբ քաղաքական դերակատարման ավելացումը: Առավել հավանական եմ համարում, որ պարոն Ծառուկյանը հակադարձել է ՀՀԿ խոսնակի՝ օրեր առաջ արված հայտարարությանը:

Եթե դա այդպես է, ապա ցավով պետք է արձանագրեմ, որ այդ հայտարարության իմաստը սխալ է ընկալվել. այն որեւէ այլ կուսակցության դեմ, հատկապես ԲՀԿ-ի դեմ, որեւէ երանգ չի պարունակել եւ վերաբերել է Հանրապետական կուսակցության ինստիտուցիոնալ դերակատարությանը: Կարծում եմ՝ այս մասին մենք դեռ առիթներ ունենալու ենք շատ ավելի հանգամանալից խոսելու”,-ասաց վարչապետը: