ՀԱՅԱՍՏԱՆՈՒՄ ՀԱՇՄԱՆԴԱՄՆԵՐԻ 8 ՏՈԿՈՍՆ Է ՄԻԱՅՆ ԱՇԽԱՏՈՒՄ

Արխիվ 12-16 6 Մայիս, 2014 11:15

ՀԱՅԱՍՏԱՆՈՒՄ ՀԱՇՄԱՆԴԱՄՆԵՐԻ 8 ՏՈԿՈՍՆ Է ՄԻԱՅՆ ԱՇԽԱՏՈՒՄ

Մայիսի 5-ը հաշմանդամություն ունեցող անձանց իրավունքների համար պայքարի Միջազգային օրն է: «Իրավունք»-ի հետ զրույցում «Ունիսոն» հ/կ գործադիր տնօրեն Արմեն Ալավերդյանը անդրադառնալով հաշմանդամություն ունեցող անձանց իրավունքներին և աշխատանքի տեղավորման խնդիրներին փաստեց, որ Հայաստանում ոտնահարվում է հաշմանդամություն ունեցող անձանց գրեթե բոլոր իրավունքները: Առաջին հերթին` ազատ տեղաշարժվելու և մատչելիության իրավունքը, վերջինը պետք է դիտարկել լայն իմաստով`ոչ միայն անվասայլակ օգտագործող անձանց է վերաբերում, այլև չտեսնող մարդկանց: Հայաստանում այսօր կան 194 հազար հաշմանդամություն ունեցող անձ և ըստ Արմեն Ալավերդյանի աշխատունակ համարվող հաշմանդամ անձանց ընդհամենը 8 տոկոսն է աշխատում ,իսկ մնացած 92 տոկոսը գործազուրկ է: Սա հսկայական բանակ է, որը Ալավերդյանի խոսքով`կարող է լինել հարկատու` լինել օգտակար և՛ իր ընտանիքի և՛ պետության համար: Սակայն այսօր նրանք ուղղակի նստած սպասում են միայն նպաստին, չնայած որոշ դեպքերում այդ նպաստից էլ են զրկվում:Օրինակ հաշմանադամություն ունեցող անձը, ով ունի երկու անչափահաս երեխա զրկվել է նպաստից, քանի որ ունի մավտոմեքենա, որը նրա համար ոչ թե շռայլություն է, այլ փոխադրամիջոց` շարժվելու համա: «Այս ամենը մարդկանց դրդում է ապօրինությունների`մեքենան տանել և գրանցել մեկ ուրիշի անունով:Նույնիսկ նորմալ կյանքի կամ արժանապատիվ կյանքի իրավունքը ոտնահարված է»,-ասում է Ա.Ալավերդյանը:Իսկ թե հիմնականում, որ ոլորտներն են այսօր ամենաշատ աշխատատեղերն ապահովել հաշմանդամություն ունեցող անձանց համար պրն.Ալավերդյանը նշեց.«Ամենաշատ աշխատատեղերը ապահովել են Հայաստանում գործող բջջային օպերատորները,բանկային համակարգերը, քիչ աշխատատեղեր, բայց կարևորը դրանք կան, ԱԻՆ-ը և այլն:Այստեղ մարդկանց մոտ կա ընբռնում, որ այդ մարդիկ իրենց անհրաժեշտ են կորպորատիվ իմիջը բարձրացնելու համար, բացի այդ`շատ դեպքերում նրանք ավելի պարտաճանաչ են»:

Սովորաբար այն վայրերում, որտեղ աշխատում են հաշմանդամություն ունեցող անձինքԱրմեն Ալավերդյանի խոսքով` կան բոլոր անհրաժեշտ պայմանները նրանց ազատ տեղաշարժվելու և աշխատելու համար: Այն անձինք, ովքեր չեն աշխատում, ոչ թե ունակ չեն աշխատանքի համար, այլ չունեն համապատասխան աշխատանք, այսինքն չտեսնող անձը կարող է աշխատել որպես հեռախոսավարուհի, սակայն նրան աշխատանքի չեն ընդունում:Հաշմանդամություն ունեցող անձանց մեծ մասը ունի բարձրագույն կրթություն,որոնց պետք է տրվի հնարավորություն իրենց հմտությունները ցույց տալու համար:

ԶՎԱՐԹ ԽԱՉԱՏՐՅԱՆ