ԱՆՊՏՂՈՒԹՅԱՆ ԱՄԵՆԱԲԱՐՁՐ ՑՈՒՑԱՆԻՇԸ` 39-44 ՏԱՐԵԿԱՆՆԵՐԻ ՄՈՏ
Ըստ ՄԱԿ-ի Բնակչության հիմնադրամի հայաստանյան գրասենյակի գործադիր ներկայացուցիչ ԳԱԳԻԿ ՀԱՅՐԱՊԵՏՅԱՆԻ` ե°ւ առաջնային, ե°ւ երկրորդային անպտղությամբ Հայաստանը գրանցել է ավելի բարձր ցուցանիշներ, քան միջինը` տարածաշրջանում:
Անդրադառնալով ՙԻրավունքի՚ այն հարցին, թե որքանով է հնարավոր բուժել անպտղությունը, Գ. Հայրապետյանը նշեց, որ անպտղությունը մեծ մասամբ բուժելի է, նույնիսկ առաջնային անպտղությունը, պարզապես այն բուժելը շատ թանկ արժե` մի քանի հազար դոլար: Ինչ վերաբերում է Հայաստանում տեղի ունեցած հետազոտություններին, ապա Գ. Հայրապետյանի խոսքով` այդ հետազոտություններն անցկացվել են կլինիկաների հետ համատեղ, եւ այն ընտանիքները, որոնք խնդիրներ են ունեցել, ստացել են անվճար,ուղեգիր` համապատասխան հետազոտություն անցնելու համար: ՙԱյդ հետազոտությունների արդյունքում պարզվեց, որ սեռավարակներից հիմնականում խլամիդիան է, որն առաջացնում է անպտղություն: Գրեթե բոլոր հետազոտվողների մոտ առկա էր այդ սեռավարակը, որը խոչընդոտում է հղիանալուն: Մոտավորապես 10 զույգ անցել է այդ հետազոտությունը՚,-ՙԻրավունքի՚ հետ զրույցում ընդգծեց Գ. Հայրապետյանը եւ հավելեց, որ անպտղության ամենաբարձր ցուցանիշը գրանցվել է 39-44 տարեկան անձանց մոտ, իսկ ամենցածրը` մինչեւ 24 տարեկան անձանց մոտ: ԶՎԱՐԹ ԽԱՉԱՏՐՅԱՆ
1
9458 դիտում
2
2251 դիտում
3
2160 դիտում
4
2077 դիտում
5
1941 դիտում
